-------| 3月14日
今日朝早要補4個鐘習, 痴線了…其間Anson 打黎
之後我覆佢, 話大埔墟又有乘客意外。我頂…好彩個阿伯冇死到
如果唔係真係你阿爺呀…之後入小欖同朋友們一齊BBQ , 首先
我運吉了, 原來我補習下面有30X , 點知我就行番總站撘, 遊花園…
最唔好彩係個30X司機, 我依為佢戴住副超好型喇, 一定飛車
可惜上到車, 岩岩相反, 佢成日叫緊握扶手, 其實自已就行到鬼死咁慢,又定
程唔過50km/h, 仲要渣住部ATE , 真係燥底…去到荔支角轉52X, 坐巨龍-.-
全程「登」到飛起, 不過佢行公路都有一手, 好快就飛到入小欖…Then .... Party Time...
小欖入面又有沙灘, 又熱鬧, 燒得好快樂, 仲睇影日落, 超靚。
九點幾走人, 撘61M出番荃灣轉49X到城隧轉46X到大圍, 61M 同 46X 都係巨龍, 死未？
不過我真係對巨龍改觀, 係「登」就「登」左D, 不過行公路都可以爬利蘭頭, OKAY 喇。
到大圍, 即刻跑去大圍站, 趕VF18 同會合Calvin & Anson , 跑死我…好彩都俾我趕到
一到沙田2路, 柴頭就到, 好險, 不過炒炒地…今晚又有工程, 62 停左係沙田臨時軌道工場
嘩,我第一次遇柴頭停, 超開心, 狂影…俾我影到我有史依來影美的夜柴，
不過我地就臨收車時, 佢先走…返到家又是兩點了…( 祝Gordon 到美國後生活愉快 )
最靚的夜柴。
|
