今日仲要番學呀!學校搞左個預科生活啟航的活動(聽落真係有d無聊)

8:00am-12:30pm, 主要都係d分組活動, 興趣不大=_=!

不過到最後ge環節係舊生分享, 這個比較實際!

唉~原來會考無20分最好唔好揀中大, 分分鐘面試機會都無!!

仲有, 唉~個個都話econ嗰個missy靠唔住,我好驚, 佢地話一定要搵補習...

最後今日ge活動帶俾我ge就係更加擔心預科ge生活...(無奈)

而加又要為功課努力啦...

究竟咁ge生活要維持幾奈呀??好若悶呀/_\

ps 我換左我最鍾意ge豬仔頭像啦XD

今日我先知原來qooza轉左網址, 終於上到黎啦!

哈哈~太謝天謝地啦!個風竟然可以挨到今朝, 唔使quiz一日啦! 萬歲~   

昨天暗自說過如果今日停課一定會好好利用佢黎溫書, 但而加仲未開始溫>口<

唔緊要啦~一陣專心d溫番就ok啦^_^

屋企得我一個, 太靜啦~有d空虛添=v=

而加仲係有d唔信係咪真係停課架?

唔會無端端要我番下晝呱=0=仲係有d擔心呀~~搵人話我聽啦...哈哈XD

 呢日響學校無咩特別事...

只係回家途中真係好大風!!!我家住在海邊(唔知算唔算@@?), d風好強大,

當我搭完MTR出青衣城時已感受到其威力,三號風球原來係咁勁ge!

吹到個頭亂七八糟之餘, 我條呔亦差d被吹甩!

腳步有少少不穩定, 但係我覺得好刺激(←變態)

天氣焗左咁奈, 終於涼爽番啦~~所以心情好輕鬆^v^

==============================

回家後拿起份"招職"來看, 看到一篇關於職場的文章,

當中的真人真事鼓舞我努力向前:

有一小孩不明白為何自己怎樣努力考不了第一名,

大家一樣認真一樣努力, 但直到小學畢業仍趕不上...(skip一點)

後來他憑住媽媽的一句話以全校第一考入清華大學,

媽媽說:你看那些海邊爭食的鳥兒, 當海浪打來時, 小灰雀一下子就可以升上天空,

而海鷗卻顯得笨拙, 從地上飛上天要很長時間,

但真正能飛越大海､橫渡大洋的, 還是他們!

有d人威風一時, 但卻欠缺持久力, 最後還是會被默默耕耘的人趕上!

我都希望自己可以更加有耐力, 刻苦地完成中六中七, 再考上大學!

 我記得呢日我溫書ge speed勁慢, 但無奈地點溫都溫唔入腦, 我開始沮喪...

下午我靈機一動, 閃出一個念頭...

哈~竟然踏出我ge第二步(暑假也飲過一次,所以不是第一步XD),

去雪櫃攞左支藍帶啤啤佢!(大家唔好學,哈哈~我好壞...)

其實我以前都試過,但不是全支飲晒, 而係同我姐, 爸爸一齊share,

所以唔會醉!但今次我好想試下醉ge感覺(也可以話係想逃避現實),

就一口氣飲晒一罐啤啤啦...

飲到一半我已知自己酒量應該唔好, 有少少飄飄然ge感覺!仲自己傻笑!

之後飲晒啦, 行起路上黎就有d腳步浮浮, 沖完涼仲慘, 眼瞓到噠左落床!

最後唔夠時間溫書, 活該XDD

不過話時話, 瞓左一覺之後真係精神晒, 唔似得平時嗰種瞓完仲係唔夠喉ge感覺!

不過例牌都要講句年輕人唔好飲酒呀!上左癮就大劑啦!

今個星期好忙, 比中四,五辛苦百倍, psy竟然可以除Monday外日日有quiz, 好恐怖!

econ, geog都有essay做...

哈哈!或者這是正常的, 只係我呢個中六的新丁覺得驚訝而已...希望可以快d適應到啦>_<

同d同學仔一齊,

有時真係唔明點解佢地咁中意攞人地個筆袋,手冊, 錢包左看右看,

最唔高興係佢地會不問自取,

我同佢講唔好睇手冊啦(因為寫左好多功課以外的東東...)

竟然feel到佢有少少唔滿意...

仲話番我轉頭, 話有人投訴我寫響黑板的功課記錄唔寫日期(我係文書,負責"抄"功課...落黑板XDD)

唉~~好小事姐, 駛唔駛咁呀?

我有錯咩=_=?真係唔明...

仲有呀...番學好唔開心, 啲同學唔太理我, 靜係搞小圈子, 我不嬲都唔太中意講野(熟人除外),

而且一開口都係d佢地覺得無趣味的話題, 簡單d講就係唔啱channel!!

朋友真係好難搵呀>___<|||?

===================================

 Ha!我在星期三接到LCCI的certificate(6月考ge...隔咁奈差d唔記得XD)

我竟然有pass with distinction>_< 真係好意外好驚喜!

嗰4嚿水無白費到^_^

我諗呢件係呢個星期最開心ge事!