今日早上都要番學呢...仲諗緊今晚食乜野慶祝好呢= ="好彩蕉打聽到君薈灣有好味既芝士火鍋食呢...所以決定今晚去果到食喇=]

放學左番屋企換衫先...跟住過去寶林睇戲「七天愛上你」~其實我覺得真係幾好睇呢...劇情真係估佢唔到呀!!睇完戲梗係行街啦...同埋影相呀=]

跟住就去左君薈灣喇...行左陣等到肚子餓先去食芝士火鍋~我地叫左一個芝士火鍋同一個蕃茄豬骨火鍋...個芝士就真係唔錯~不過個蕃茄湯底都無味既...所以後尾將d野落哂去芝士果邊= ="果到仲有自助餐呢...我地係咁食果d野~有幾樣幾好味...不過大多數都係一般啦同埋款式少呢= ="我地食左好耐呀...有d人係我地黎左之後黎都早走過我地~佢地又係食火鍋...我地又係食火鍋~真係唔知係佢食得快定係我食得慢/○\

所以食完都好夜呢...跟住行去將軍澳廣場都行下~跟住交換我地既兩年禮物...蕉蕉送左本交換日記比我呢~咁姐係代表我有排寫...佢仲話寫完d本再買過本再寫~不過本野佢真係整得幾令呢...好驚整dirty佢呀= ="我就送左十二張卡比佢...黎緊果一年就每個月抽一張~我同佢係果個月都要盡力做果樣野...而今個月係「喜樂」呀=]要一齊加油努力呀...知道嗎?

今日係我同蕉拍拖兩周年既大日子呀...你無睇錯呀~係兩個年頭喇...估到估唔到呢=]我都好開心呀...收到一份我點都估唔到既禮物~其實有一件事係好特別架...就係我同蕉互相送既禮物都係要一齊做架呢~唔通我地都想一齊做多d野...你正一係傻貓貓黎架=]開心就一定啦...我地會一齊落去呢~要考好會考...就算諗住入唔番QM都要努力呀~知嗎...由其係數學要考好d呀!!!^^