起身  -  7:45鬧鐘響起身...八點幾我二哥番學校~去兩日一夜既Camp...我就8:40踩單車番學!!!

練舞  -  番到學校8:55...等到9:10威同包都未番到~所以我地上去303AB先...但係唔知點解有人用緊~所以去校務處問...佢話有人卜左~但係可以比禮堂我地用...舒無啦啦話MissTam叫我地用視藝室~搞到我地無得用禮堂...去左視藝室練到十點幾~落去用禮堂...練到十二點!!!

Hea  -  跟住一齊去吉野家食野...食到一點幾~我陪昭Christy兩個行街...佢地幾個去第二度~因為我諗住4:00先要去順屋企...所以陪下佢地hea陣先~陪佢地睇衫...又周街行~之後仲去睇化妝品...去果間MISSHA~不過都無所謂啦...都係陪佢地姐~四點幾打比李...之後比順聽~順話今日唔去佢屋企...咁仲好可以繼續陪佢地睇野~由一點幾行到四點幾...睇完萬寧~佢地兩個話要睇第二d野...叫我走先~應該係睇d女仔野啦...所以我4:50就走喇!!!

奇遇  -  番學校拎單車...跟住踩單車去唐明中心~途中係排球場見到李佢地成班排球隊係度打緊波...所以去探下佢地~李第一句就係「勁啦!!陪兩條女行街喇!!!」勁無奈...跟住單車比左PC踩~我同佢地打左十幾分鐘波...之後就繼續踩去唐明中心~途中又撞到輝...所以我就慢慢踩~同佢傾條數...傾果條係數學書我同佢都唔識做既數~傾到去到唐明中心...兩個既目的地都一樣~我就去番HipHop..而佢就去Hea時間= =

HipHop  -  今日教左四個八...但係跟到兩個跟唔到兩個~上次就四個八都跟到...唔知今次做乜~兩堂就教左八個八...TonyGip勁呀!!!跳到7:00...去拎單車就番屋企!!

晚餐  -  番到去我大佬話老豆番左工...要叫外賣~黎到但係佢漏左拎野飲...所以打番去叫佢送過黎~仲有個雜果西米露都無味既...勁難食!!!

其實我前日誤解左siuman...以為佢周街話比人知叫我還錢~原來佢唔係...我都係果晚先知道~siuman對唔住呀...唔好嬲我呀!!!!同昭Christy行街都幾好...由其係同昭~都幾開心...同埋好舒服=]TonyGip勁呀...兩堂教左八個八~好難得我地成班都跟唔...我地會努力架喇=]今日練舞就係最後衝刺喇...大家都準備好聽日既表演~我地QM要努力呀...GoodShow=]