今朝  -  一直係李屋企打牌~4:00個陣大家都好攰~所以決定訓覺...但係李佢係度玩~搞到我地訓唔到~咁就玩左兩個鐘~6:00真係訓...訓到十點幾~又起身打牌- -

等人  -  我話左11:30出去食野~佢地又話12:00都得喇...李就係e種性格...自己同自己講夠時間既夠時間既= =點知我地12:20先出到~因為李屋企有好多野要整好哂先出得去~終於食完吉野家1:10去到調景嶺地鐵站...約左1:00~係唔係衰呢...聽我講~早d出就好喇!!

去灣仔  -  搭地鐵好快就去到灣仔喇~去到灣仔人山人海...又要係灣仔兜幾個圈先比我地入...

動漫節  -  入到去唔係好知要點樣行好...就向左行喇~行左一陣...有game girl喎!!不過都唔靚既- -"~睇到最豬果個出黎就唔睇喇~去左睇高達...佢地係度影相~我同羅好快睇完就覺得無聊~李同鴻就叫我地睇住第二d~咁好喇!!我同羅就兩個人行~都幾好架...兩個人唔會走失呀!!行行下去到天下出版...要排隊啊= =羅話想入去~咁我就陪佢一齊排啦...其實我諗住好快排完~因為...我睇唔到原來後面係有一大條龍架~結果排左兩個鐘...同羅增進友誼~哈哈!!入到去羅買左d野就出黎喇~總算無白費排左個兩個鐘^^之後去搵李佢地~跟住就一齊行!!

就走既時候  -  佢地話唔想兩手空空咁番屋企~所以行下睇下有咩買...有d人話好攰同埋我有野要做~想散場~所以佢地話6:00就走~咁我就睇下六點走夠唔夠時間~計下...夠時間喎!咁我就等喇~等到6:00...李好似當咩事都無發生~繼續行...咁我都無奈繼續行~金仲好笑...6:15先黎問我:你幾點要到呀?~我覺得勁好笑喎~我都話要趕住走...佢過左15分鐘先黎問~如果佢認為依家問我係無問題既話~我咁果d就唔係叫趕時間啦!!

終於離開  -  6:20離開展覽中心~之後佢地去到7仔話想食雪糕同飲d野~咁我等佢地啦~出到7仔...佢地竟然企係度食雪糕...咁我諗住食雪糕好快姐~又等...跟住李無端端彈一句:我地過去個邊坐下~佢地就一齊過左去個邊坐~我見到咁樣...我覺得佢明玩野~就勁嬲咁走左~雲跟住我一齊走~話要番屋企食飯~咁都好d~有個同我一樣比人玩野既人一齊~跟住搵地鐵站~6:30先去到地鐵站~搭地鐵個陣我計下會唔會遲到同埋我同雲一齊講下佢地點玩野= =

返到將軍澳  -  返到黎~去做我趕住做既野~結果遲左5分鐘~比人話左幾句= =唔開心!!搞掂哂d野既時候已經係九點幾~番到屋企食我既晚餐...香辣海鮮味杯面...不過都幾好食^^

今日叫你地早d出去食午餐又唔出~搞到遲左到~個陣時仲要搵籍口~早d出都只係...無得打半個鐘牌姐...無得打半個鐘機姐...無得睇半個鐘片姐...我諗要改下d態度~可以做到唔遲到既就應該做到~如果係知道遲到既就應該話人知你會遲到~如果可以早到既就最好早到...咁樣可以令到有更多既時間準備...~我覺得:你地係覺得要佢地等下無乜所謂~但係你地有無諗過佢地會點諗?
成日話某人唔識咩係易地而處~你地自己都應該反思一下!!
我28號晚唔得閒~李29號唔得閒~Alfred要買野~好既!!今日去囉~不過要早走喎!我一早講過要早走!!!!但係你地好似扮聽唔到咁~唔好話唔知道~個個都知道!!根本係特登玩野~你地唔想走住就同我講:叫我自己走!咁我未自己走囉!!又係你地自己講6:00走既~但係之後又係度哂時間~講好幾點就幾點喇~唔想走既就講出黎啦~唔好拖住我d時間!!你地想hea唔關我事架!!
我就左你地今日去~你地就扮唔知咁...哂我d時間!
成日話某人無理你地感受~你地又有無理到我感受呀!!

難道守時跟本唔重要?

今日嘗試到比時間所緊迫既滋味~我平時無乜機會嘗試到...因為我平時會預多好多既時間出黎準備~但係今次為左個玩我既朋友而嘗試到e個滋味~真係...
但係今日e個滋味令我有好深既體會~我深信我自己係一個唔會點遲到既人~而我都唔希望會令到人等我~今次比時間緊迫e個問題而令到我煩躁...真係可以好唔開心!!
對唔住!我果次去長洲~某人因為被催促回家而煩躁不安~我認為係不可理喻!但係經過今日~我會知道經常想著時間不足係會令到自己既情緒有好大既變化~加上當時朋友不太理會某人時間緊迫既問題而感到無助~再加上個陣又要面對父母既責備~果時某人舒發情緒既方式係可以理解^^