今朝  -  傾電話傾到1:30...濱濱做乜收我線呀!!1:35訓覺^^

起身  -  十點幾老豆係客廳大大聲咁講去飲茶...都唔知係唔係特登比我聽到既~咁我就起身去飲茶!!

飲茶  -  今次我去一樓個間茶樓...一去到我就睇價錢喇~睇到12:00前比12:00後平...仲要付加一句(結帳離座計)~所以飲到11:55我叫老豆去賣單先...起碼平$30!!之後都係去百佳買d野就番屋企喇!!

打籃球  -  1:55出去打籃球~打到6:30...鴻打黎話佢屋企無人~叫我地去佢屋企...所以我就即刻番屋企沖涼食飯^^

去鴻家  -  7:30搞掂緊d野就出喇!!行個陣覺得好孤獨...所以就SMS比人叫佢打比我同我傾下計~點知佢睇唔到個SMS!!行到半路抽筋...真係痛到彈起左~咁岩岩李金佢地打比我...我問李點樣先可以救到我~因為我第一次抽果個位...所以真係唔識救~好彩無乜野...多謝李跑黎睇我呀(萬分感激!!!)到左寶林地鐵站等埋Toby八點幾就去到鴻屋企喇!!十點幾佢終於睇到我個SMS打左比我喇!!遲左成三個幾鐘...真係反應遲鈍呀!!!玩到11:30出去諗住食糖水~之後睇到又貴又少...所以去左OK食左個杯麵同買左包維他奶~不過我同李都覺得唔係好夠飽...算啦!!!都好過食糖水^^跟住五個人去左新都城平台傾計!!

打籃球都係覺得同李一隊最好打~不過我地兩個都打得好認真...攰就兩個都攰架喇!!就算好打都打得好辛苦呀!!今日抽筋...真係畢生難忘呀!!可能真係打波打得太耐...李冒住抽筋既危機跑黎睇我(十萬分感激!!!!!!)不過去到鴻屋企玩左咁耐都係值得既...