今朝  -  傾埋少少野12:30就訓左喇!!

起身  -  8:15鬧鐘響呀!唔係好想起身~所以訓到8:20就起身喇= =

早餐  -  8:55出門口~9:05到左坑口地鐵站...早左十分鐘~9:20Panda哥哥到左~一齊去美心食早餐呀~兩個一齊食午餐肉通粉!!

比某人玩  -  食野個陣~某人用133打我手機扮聲黎玩我~比佢玩左幾十秒...好失敗~聽唔出佢把聲...下次你再扮聲我一定要認得出~問人野都要玩人~不過...都幾開心~因為估你唔到...你會晨咁早打黎^^

買書  -  9:50食完...其實都無諗過咁快食完~兩個慢慢行去坑口地鐵站~太好喇...10:00四個都無遲到~一齊去學校買書...點知好多書都未出版~得一半有得買...不過都有兩袋(好重呀!!)

午餐  -  買完書見無野做就去大家樂坐...六個人坐兩張枱只有羅記食野~羅記食完我地就去李屋企...玩左陣就去祥景茶餐廳食午餐!!

打籃球  -  食完野就諗住番屋企換衫之後番黎打波~番到屋企見有好多汗...所以就沖埋個涼^^2:15等埋金就去安寧花園打波喇!!買左兩支1.5L既水...比我飲哂~打波個陣比金整到我仆低...痛呀!!!6:00就走喇!!

攰攰攰呀~超攰呀!!!打左兩日波...不過打得勁開心呀!!
其實我認為同威一隊打最學到野~其次就係卓~但係同佢地打真係搞到我打既風格改變哂!!
不過我覺得同李一隊打最自然~其次係金~所以同佢地打好放心~唔會改變到我打既風格!!