今日早早起身...係因為蕉去同屋企人飲茶send左個信息比我嘈醒我的呢= ="起身就用下電腦咁啦...都無咩做架喇!!!

原本預左1030先出門口既...不過蕉去飲茶~所以個時間就要睇蕉幾時飲完茶喇...佢飲完叫我出果陣係大約1000~咁我就去寶林地鐵站等佢呢...都等左一陣~因為蕉要搞le樣搞果樣呢...之後蕉又唔同我講會去邊到~話帶我去比驚喜我呢...所以就一直都唔同我講= ="

不過其實我都估到呢...因為蕉之前唔覺意咁同我講過呀~原來係去長沙灣...我都係第一次去呀~所以蕉都帶埋地圖...不過佢一開頭無拎出黎~搞到連地鐵站出口都出錯左呢...一出去上左天橋去馬路對面~跟住行行下又話原本果邊先岩...所以又行過對面~咁熱既天時先黎行錯路...真係激死我喇!!!所以最後都係拎番張地圖出黎行...張地圖寫左好多野呢=]

跟住張地圖就去到長沙灣市政大廈...上左三樓~係熟食中心呢...跟住蕉就周圍搵呀搵~終於搵到喇...果間野呢叫「鹿兒島」~係埋日本和風便當既...蕉一去到就問有無燒鯖魚卷~好彩咁岩今日有呢...唔係既話蕉可能會唔開心呢~之後我就叫左個「芝士焗青口」喇...佢得一個人~都搞左好耐呢...我地就周圍睇下~不過就算佢得一個人...間野都好多生意~有幾個電話打去間野度叫外賣自取呢...跟住又越黎越多人呀~佢都係咁整便當...無停手呀=]

我地既野食黎到呢...燒鯖魚卷就有兩個~芝士焗青口就有五隻...咁就一人一個卷~蕉就話男人大食d...所以我就要三隻青口喇= ="食完都岩岩好飽呢...佢又有前菜配菜~好開胃的呢...仲好好味呀^^

我地食完呢又要睇地圖喇...跟住蕉畫定既路線行~不過都好熱熱呢...行下見到有花賣~蕉就買左五蚊花話擺屋企好香呢...之後就去到香港工業大廈~果到1同2樓係勁大既商場...有99%都係賣女裝衫的呢~咁就同蕉係咁行喇...蕉就買左個得意袋~跟住幫屋企買左床罩等等...咁就行完預定既路線喇!!!

睇下時間都係1400呢...都唔知點解咁快行完~所以呢就話搭地鐵去旺角...最後去左太子站~想係太子行到旺角再行到油麻地呢...去到都係熱~太子就無咩行架喇...不過蕉都買到野呢~行到角...蕉又話要幫我睇衫...睇遲d去謝師宴既衫呢~不過都只係睇...遲d再買=]之後再行到油麻地地鐵站就搭地鐵番去喇...陪蕉搭到寶林再番將軍澳站番屋企呢=]

今日我地慶祝我同蕉拍拖九百日呢...就係係鹿兒島食午餐~其實間野真係好好味...所以我同蕉都話~如果再去長沙灣...一定要食le間野呢=]今日全部行程都係蕉決定的呢...行得都好充實呀!!!考完試之後既放鬆活動...果然唔錯^^開心的同蕉一齊呢...遲d就要努力咁一齊學野喇=]