這篇日記想用口語來表達

應該會比較傳神

連續兩日有人向我傳道講耶穌

佢地話上帝係公義的神

佢地又話上帝係全能、全知、全善

真係咩？

如果上帝係公義的神，點解呢個世界有咁多唔公平？

點解拉登做咁多衰野都仲未死？

點解黃家熙消防員咁大無畏就英年早逝？

果個上帝究竟做過咩？

如果上帝真係全能，咁佢可唔可以製造一舊掟唔爛 ge 石頭？

無論佢整唔整到，都證明上帝唔係全能！

亞當夏娃偷食禁果，令全人類背上所謂 ge「罪」

如果上帝真係全知，咁佢事前應該預知呢件事

咁點解佢唔阻止亞當夏娃？

點解佢仲要俾亞當夏娃犯罪？

上帝唔係全善 ge 咩？

如果佢根本就唔知亞當夏娃會偷食禁果，點解又話佢係全知？

好多基督徒都會返教會，甚至返教會仲多過返屋企

佢地 ge 人生目標就係侍奉上帝，對自己老豆老母都未有咁孝順

如果呢啲人向我傳道，通常我都會問佢地一條問題：

「俾你揀，要上帝定要老母？是但揀一樣，放棄一樣」

「上帝唔會要我地咁揀：」佢地 ge 官方答案

「而家係我要你揀，唔係上帝叫你揀！」我步步進逼

「我唔會答你呢個問題！」

究竟佢地係唔敢答，定係唔識答呢？

某 D 領域上，基督徒通常都只係識得逃避

我聽過一個聖經故事：

故事將人比喻為羊，耶穌就係牧羊人

有一日，牧羊人拉住 100 隻羊，突然有一隻羊走失左

於是耶穌就放低另外 99 隻羊，去搵果一隻羊

呢個故事係話耶穌愛世上每一個人，佢會看顧所有人

表面上，耶穌的確好博愛

但點解佢會為左一隻羊而放棄 99 隻？

佢咁愛「所有」人，又點會咁做？

呢 D 係咩邏輯？

我知道有好多基督徒都好有學識，好有智慧

但有冇人諗過呢個問題？

p.s. 我會尊重所有基督徒，我會尊重你地 ge 信仰

但唔該唔使同我講耶穌有幾好，佢唔係我杯茶

與其每個星期日都返教會崇拜唱聖詩，我寧願o係屋企煮煮飯洗洗車