今日，我終於重新番到黎呢個日記到。我亦鄭重咁向各位講聲對唔住，因為我前兩日真係唔得閒打日記，所以搞到大家冇日記睇，真係唔好意思呀~~

        為左減輕開學前既煩惱，我今日約左成班同學去九龍塘睇戲呢。睇戲之前個個都上哂去food court度抄功課，做哂功課果Ｄ就起到鋤Ｄ。點知我地玩玩下，有條粉腸行過黎話：「呢度唔俾玩牌架，仲有連做功課都唔得架。」。咁點o者？唔通唔理佢咩，咪一個個走哂囉。之後咪等到睇戲囉，走左去睇「長途飛機」，心諗真係唔係幾好睇。頭個段完全係拖時間，搞到我想訓咁滯。到左最後半個鐘先至令我有興趣睇，睇完之後去左佳屋企借功課俾佢抄。我自己起度上網睇漫畫囉，佢一路抄抄抄抄抄，抄到成七點先走。冇計，佢要出SSP同佢外婆食飯，咁我都走了~~

        番到屋企，食埋飯之後又上網吹水，要好好珍惜剩低既時間呀。係咁起度吹吹吹吹吹，吹到成兩點鐘先訓呢~~

        完了，歡迎留言~~

        P.S.由於就開學既關係，以後有可能會不定期更新，請見諒~~