諗諗下，發覺自己原來起過去一星期都冇寫過日記，有種好對唔住大家既感覺。不過算啦，反正我都講過會不定期更新架啦，我都唔想架，鬼叫真係咁多功課做咩~~

        反正今個禮拜都真係冇乜野好寫，真係純粹為番學而番學，番去我地除左吹水之外都真係冇乜野好做。我都幾鐘意呢種嘈既感覺，我都唔知點解，可能天性我鐘意嘈呱。不過有時我都會睇到一Ｄ唔入精英班既好處出黎，上堂果陣唔係唔聽佢講書，但只要個老師一講錯一句說話，就可以俾我地成班係咁起度笑。試問你起精英班鬼有試過咁做丫？

        呢牌突然間鐘意左睇漫畫，又係果句，我都唔知點解。總之想睇好多好多既漫畫，可能想擴闊自己既視野呱。又借又買，都發覺自己原來起呢方面洗左好多。都應該慳番Ｄ了，如果唔係點儲到錢？雖然我係信奉果種「今朝有酒今朝醉」既人黎，但都發覺呢個世界冇錢係唔得的。

        今次發住咁多嘮叨先啦，看後歡迎留言或指點~~