Kasumi の 無法預測的生活
這是寫給將來的自己的書, 每次翻看都有新感受, 那些曾經發生過的, 雖己忘記, 但它們會一直存在於這裏, 隨時供候翻閱

時間就是 不論過得充實或空虛 它依然漸漸流逝
記憶就是 被珍惜也好鄙棄也罷 它總會慢慢淡化

突然明白 曾經重要的記憶變得朦糊 原來是被取代了
Rem : 個人主頁 - 相簿 - 訂閱  [ QOOZA - 論壇 - 登入 ]
Rem
暱稱： Kasumi
性別： 女
國家： 澳門
地區： 花地瑪堂區
2016 年 6 月 5 日  星期日   時晴時雨


初戀難忘初次心痛 傷心 分類: 心情記事簿..
認識左4個幾月，期間感覺一直受到暗示，但我覺得係開玩笑，無認真對待同回應，但離開左諗返轉頭，越諗越覺得有野，終於跌入自制既情網，獨自戀愛左2個星期。
到前晚收到風男主角轉呔，難以置信，無法入睡。
尋日喊左幾次，周圍唱俾朋友知，仲喺朋友面前失控，發泄完好好多，試埋隊酒，今日感覺良好。
究竟係我太純情，定係人地曾經真係有意思，依家不得而知。
喺我忘記之前，記得佢話過：
你喺facebook更新既情況我想知道-所以我開始加上英文內容；
你想去邊我都奉陪-所以我地喺佢好攰既時候仍然同遊博物館；
記住我講既野-所以我盡量記住；
你好靚架啦-喺我照鏡檢查儀容時，雖然我經常唔同意；
如果你要嫁俾土耳其人-之前無諗過，後來無諗過其他結果；
我無機會啦-講起佢差2cm先到我既理想對象既高度；
我唔係你同學-所以我開始當佢係朋友。
我地約好8月去佢國家時1會留宿佢屋企，同佢阿妹做朋友，開車載我周圍去玩。
我唔明中間發生左咩事所以情況有變，但我明白佢所揀既女仔係非常好既人，年輕貌美，天真又熱情，家庭背景良好。
點都好，其實都係我走左之後諗太多，所以先會自作多情左2個星期，人地話要用雙倍時候嚟復原，我諗應該唔洗咁耐。
尋晚準備隊酒時佢聯絡我，為之前發脾氣既事道歉，但其實明明係我錯，因為係我激嬲佢，但佢堅持道歉，最後我提議互相原諒對方，繼續做好朋友，佢同意了，而土耳其之旅照原定計劃。
喺學校時我真係無諗過愛情方面既關係，但走左時間多左又孤身一人先不禁胡思亂想，都是寂寞作怪。
雖然題目係初戀，但好抱歉，初戀仍未到。
發表時間：2016-06-05 01:57 PM  [ 編輯日誌 ] [ 分享至FACEBOOK ]



訪客留言 (返回 Rem 的日誌)
訪客名稱：
電郵地址： (不會公開)
驗證碼：  按此更新驗證碼 (如看不清楚驗證碼請點擊圖片刷新)
俏俏話： (必需 登入 後才能使用此功能)
[ 開啟多功能編輯器 ]