Kasumi の 無法預測的生活
這是寫給將來的自己的書, 每次翻看都有新感受, 那些曾經發生過的, 雖己忘記, 但它們會一直存在於這裏, 隨時供候翻閱

時間就是 不論過得充實或空虛 它依然漸漸流逝
記憶就是 被珍惜也好鄙棄也罷 它總會慢慢淡化

突然明白 曾經重要的記憶變得朦糊 原來是被取代了
Rem : 個人主頁 - 相簿 - 訂閱  [ QOOZA - 論壇 - 登入 ]
Rem
暱稱： Kasumi
性別： 女
國家： 澳門
地區： 花地瑪堂區
2005 年 12 月 6 日  星期二   晴天


冬天啦(lalalala......)好凍呀(arararar......) 愉快 分類: 心情記事簿..

我覺得自己冬天冇夏天咁活潑,因為天氣冬咗,所以懶得郁??定係冷凍咗我既熱血呢??

硬係覺得自己上一年都唔係咁架,完全唔受天氣影響,全天候都係咁活潑架~除咗旅行戈陣有d寂寞活潑不起來之外,其他時都活躍到令其他人好頭痛格~唔信可以問返好朋友12345號~

今年冬天一個人更加面無表情,可能令到d同學更加覺得我好cool好難相處,戴住眼鏡可能就係好文靜好冷靜好自閉難以溝通之類~

尋日同今朝朝早都唔駛返學,不過都係冇做乜特別野~

尋晚同Lily去咗食糖水,因為上上下堂突然肚餓,好想食湯圓,咁就去食lo~不過都冇想像中咁好食,有又好過冇得食啦~我決定搵日自己試下整~

今日俾Lily聳恿走堂去行街,今次真係唔關我事架,Lily叫我去咋,我去陪Lily咋~

點都好啦~見到Lily點都會心情好D既~因為尋日我就開始諗:人生在世既意義係乜??讀書係為乜??工作又為咗乜呢??全部都冇意義既,不過都要繼續生存落去,真係無謂~見到Lily就諗少好多野嘞~淨係成日笑笑笑~乜都笑一餐~我諗Lily見到我心情都好d啦~因為我咁好玩~

冬天個人好懶好懶呀~我諗我第時唔係餓死就係飽死~餓死係因為太懶,懶得煮野食,又懶得去買;飽死係因為太為食,明明己經好飽,但係見到好食既野都係會夾硬梗落去~哈哈哈......
發表時間：2005-12-06 08:52 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 12 月 3 日  星期六   晴天


...... 分類: 心情記事簿..

今日先發覺~原來男人都可以好囉唆既~人哋話三女人一個墟~我話兩個男人都一個墟啦~今日鋪頭有幾個墟,嘈到死,真係頂唔順d麻甩佬,可以咁鬼長氣,其實好唔like d男人吹水唔抺咀同食煙lo~班阿叔真係吖~煩死!!!

 

我覺得, 見唔到Lily既星期六日,好冇意義lo~好掛住你呀~Lily~我可唔可以冇事都去你屋企打攪你呀??
發表時間：2005-12-03 11:41 PM  [ 訪客留言(0) ] [ 編輯日誌 ] [ 分享至FACEBOOK ]
2005 年 12 月 2 日  星期五   晴天


生日快樂~ 愉快 分類: 心情記事簿..

今日係我生日,但原來尋日都係喎,所以媽咪佢買咗好多餸返嚟慶祝,尋日食到飽得好辛苦~

今日朝早冇點瞓過,又俾蚊咬,又俾人嘈醒,個電話又響,所以依家勁眼瞓~
今朝起身要洗碗洗衫,原來生日冇用架~因為都要做~

成七點幾先出得門口,去到Lily屋企都到八點幾,再食埋早餐,都唔夠時間去鴨涌河散步~惟有係祐漢行嚟行去,睇下買唔買到想要既野lo~點知等好耐都未等到d鋪頭開門,是但買扎花同花樽就返屋企嘞~

覺得唔夠時間插花同寫信,又覺得今日有充分理由走堂,所以就真係唔返嘞~

中午約咗Come In食飯,坐多陣就返課室預習~

下晝好俾心機上堂~

放學時Lily暫時唔得閒,所以心情有d down,又覺得有d凍,去咗水塘拆紀念冊.

之後同Lily會合,去行街食野,後尾去搵音樂軒,搵咗成半個鐘先搵到~

我食咗Lily特別為我預備既戈舊放喺蛋糕上面既快高長大朱古力之後,好唔舒服,蛋糕都唔係幾食得落~

中途我去咗隔離麵檔食夜粥,入孖八哥哥數~又發現原來大家樂喺音樂軒做~

我哋唱到十一點半交個場俾阿燕~我唔夠錢埋單,so叫咗孖八哥哥包底~

差唔多十二點先返到屋企,聽日仲要返七點添架~打咗半個鐘都未瞓~
發表時間：2005-12-02 12:19 AM  [ 訪客留言(0) ] [ 編輯日誌 ] [ 分享至FACEBOOK ]


« | 197 | 198 | 199 | 200 | 201 | 202 | 203 | 204 | 205 | 206 | ... | 220 | »