今個聖誕都黐鬼線既，聖誕假有十六日，我就將Ｄ行程編到密麻麻，自找的！
十二月十九號，學校聖誕聯歡開始放假，朝早玩唔夠夜晚仲約埋班同學唱Ｋ玩通頂，第二朝就搭飛機飛蘭州，不過都值既，因為同班同學玩得好開心。
十二月二十號，出發蘭州、西安七日之旅。
成人有人話南方航空大陸機唔安全，我搭左咁多次都未死得啦∼係飛機餐同飛機姐姐態度差Ｄ姐
 
夕陽入眼簾，何等浪漫，令人 百看不厭
 
行程第二日去左甘肅博物館睇文物同恐龍骨
 
行程既第三日就坐大飛去炳靈寺睇石窟，「炳靈寺」．．．我記得美史有提過下
 
當地文化局對佛像的保養好特別，就係整隻窗過佢，搞到好似大型石窟屋村咁，好抵死
 
跟住仲去左好出名既華清池，咪就係四大美人楊玉環沖涼既地方囉，但我想知個肥婆點係零下十幾度沖涼？個湖都結冰啦？
   
除左楊玉環，華清池仲有個張學良西安事變，細個讀過近代史，再同當地資料比照過後，明白到中央扭曲事實既決心係幾大，也明白到日本仔係侵華事件中
話自己當時係進入中國並非侵入中國這種瞪住眼講大話既無賴招數原來係學中國，真係上了實貴一課。
中國點解會出現金字塔？
  
依幾張係特別影俾同我一齊參加家龍浮雕班既同學睇，這就是中國既浮雕，你會笑唔笑死？
兵馬俑，兩年前睇過同以前差唔多
依個直秦兵大哥值得一讚，二千幾年後既今日仍不忘做掌上壓操fit自己。
 
 
好值得記念既一晚,除左係平安夜，果晚係晚餐係一人一煲，有的牛有羊，正！住間酒店仲係五星級添，果晚仲同朋友一齊落ＢＡＲ摩酒杯底，
飲到慶慶地仲走上去唱埋一份，認識左一隊菲律賓樂隊，何解菲律賓人個個咁都唱得？anyway,過左個好好既平安夜。
聖誕果晚都係落去一路飲紅酒一路倒數，一杯紅酒要７０人仔，但以五星級既水準來講，算是划算的了。
 
 
 
 
之後既旅程都輕鬆，去下博物館，睇下文物，行下街，食下野，有失望，有驚喜咁啦！原本就聽過蘭州既牛肉拉麵好出名，點知試過先知搵笨，
一碗麵先得三粒牛肉，一隻牛足夠整成萬碗牛肉麵！係就係誇點，但係佢Ｄ牛肉真係細得好誇張∼∼
不過西安既羊肉串就好食得叫人難忘，成個旅程最失望就係買唔到手信，唔係我孤寒，係果度Ｄ手信真買唔落手，我敢寫包單我買左你地都唔想要，唯有在此道一聲歉。
我最多係澳門買番葡撻請你地食賠罪囉∼∼
 
就係咁，玩足七日，二十六號就搭飛機返屋企∼結束七日既旅程，果晚返到屋企超累，涼都無沖就訓，一訓就訓左十六個鐘，第二日六點幾先醒∼∼願主保祐！
|
