以下我會論證中「對確的論證」(valid argument)所需既條件.

先提提一個定義:如果係論證入面,前提能夠邏輯涵蘊結論,呢個論證就被稱為「對確的論證」.

我地要特別留意以下兩點:

1)我地唔係直接根據前提同結論既真假黎決定論證既對確性.

考慮下:

以下既論證都係對確,但佢地既前提同結論既真假就可以有唔用既組合.

a)前提全部為真而結論為真既對確論證:

所有男人都係人,

所有人都係哺乳動物;

--------------------------------------

∴所有男人都係哺乳動物.

b)前提唔係全部正確而結論正確既對確論證:

所有男人都係女人,

所有女人都係哺乳動物;

--------------------------------------

∴所有男人都係哺乳動物.

c)前提唔係全部都正確而結論都唔正確既對確論證:

所有男人都係哺乳動物,

所有哺乳動物都係女人;

-----------------------------------

∴所有男人都係女人.

從以上既例子,我地知道對確既論證既有可有真既結論,亦有可有假既結論.對確論證唔可以確保結論為真.

2)一個論證係唔係對確係由前提同結論既邏輯涵蘊關係黎界定.當一個論證既前提同結論為真,唔代表呢個論證必定係一個對確論證.

例如:

所有8既倍數都係整數,

所有質數都係整數;

-----------------------------------

∴所有8既倍數都係質數

論證既目的係在於為結論提供一個支持或證明,但根據上面既分析,我地好清楚睇到,單單一個對確的論證係唔足以保證結論為真.要確保結論為真,除左要求一個對確既論證之外,仲要有全部為真既前提.

又下一個定義:一個全部為真既前提既對確的論證稱為「真確的論證」(sound argument).唔係正確既論證稱為「不真確的論證」(unsound argument).

一個真確既論證由於牽涉前提既真假,而前提既真假又通常唔係邏輯所定斷既.所以一般既邏輯係唔會研究論證既真確性.