0423 - 0423 澳門之旅

最難忘的都是可以入到賭場玩xd
未夠18歲都可以入到去(y)
但可惜的是入左兩次賭場都未贏過-3-
輸哂又問阿爸拎錢玩.不停咁問xd

第1晚12點幾去左食宵夜..淨係等都等左幾個字/__\
我家姐叫的那碗原隻「飽魚」雞粥..(注意: 牆上餐牌係飽魚而並非鮑魚@0@)
呢碗所謂既飽魚雞粥..未黎果陣個個係度估幾錢.因為餐褲冇寫到.
黎到既時候...大獲了.問個收銀幾錢....$98 w0w
我即刻笑左出黎..仲要隻「飽魚」同你隻手指頭差唔多咁大.
1啖咁就冇左成舊水...難怪佢都唔敢標個價錢出黎啦xdd
我食果碗皮蛋瘦肉粥只係$18.,好大的對比v__v
本來打算食完宵夜之後就係諗住返酒店房沖涼睇電視.
但係我發覺張鎖匙卡係我阿爸度..之後跟住就諗住去賭場度問我阿爸拎返啦.
成10個人1齊入去果陣..佢問我家姐夠18歲未呀(佢個樣太低_)? 同埋要出身份證.
而我就係後面鼠左過了..就係咁.就係賭場入面玩到4點幾先走.
唔知點解果晚我係1d都唔覺眼訓.成日都未打過喊羅.
返到酒店房之後就沖涼睇電視.而我阿爸就去訓了.
本來睇緊世界桌琳錦標賽架ma..睇睇下我阿爸啪左我個電視制叫我去訓\口/
果晚本來我係諗住唔訓的..因為第日8點幾又要起身食早餐..
但係電視又冇得睇..冇野做s0被迫要去訓了;[

第2日朝早8點幾起身..死啦.好眼訓添~____~
但始終又係要比人迫起身><
好似我同阿爸係最遲落到去酒店餐廳食BUFFET早餐.
果朝都食得唔係好多野.因為唔肚餓=D
食完之後又去左賭場玩左1陣啦haha...結果又係輸哂.
賭場真係呃錢架\口/
跟住落黎就去左大三巴參觀同埋影相.
勁多人丫..又迫又曬..曬燶了-3-
我係澳門有1樣野唔明既係點解要有咁多間鉅記(?)
差唔多係條條街都有1間..然後仲要間間出面都要有個電視係咁LOOP蔡瀾既代言廣告
不停係咁播住幾個廣告...而我又未迫企係出面等佢地買野..行每1間就企1次
次次都起碼企1個鐘.就係咁.就比蔡瀾叔叔洗腦了/___\
買手信.一定係鉅記
係咁播廣東話版.國語版.廣東話版.國語版.廣東話版.國語版.廣東話版.國語版.廣東話版.國語版.
丫...我癲了.腦已洗~________~

最後好趕咁竟然可以趕到6點半果條「噴射飛航」返到黎香港.
如果MISS左呢次既話要等到半夜兩點九先有船..........

今次去澳門比起想像中好玩了xd