悠閒

今日雖然係假日，但係我都有出過街。
好悠悠閒閒咁係屋企過左一日，
熙少今日要開工，2點幾係元朗收工。
3點幾返到黎，問我食咩，
(佢真係了解我，知道我情願唔食都唔會落街買= =||)
之後佢話係黃金果邊落車，
咁我就話食麥當當啦@~@

好啦，買到返黎，又少左野，
已經係第N次發生，
每次我發現少左野都會叫熙少下次記得Cheak野，
但係熙少都係唔肯Cheak，
吹佢唔漲^^。
忍無可忍，於是上即刻麥當當網，
搵間野個電話出黎，
好火滾咁打去，
講完咩事，果個小姐叫我等一陣，
5分鐘後。。。。
 A小姐:「唔好意思，請問有咩幫到你?」
本小姐:「我頭先好詳細咁講左一次咩事ga la wor^^」
 A小姐:「唔好意思呀，麻煩講多次咩事。」
本小姐:「我頭先係你地間舖。。。(以下省略200字)」
 A小姐:「真係非常抱歉，或者你方唔方便留底地址，
                 我轉頭叫同事拎返2個批過去俾你丫。」
約10分鐘後。。。。
電話響起。
 A小姐:「唔好意思X小姐，我地個同事已經過緊黎拎返個批俾你
                 麻煩你過約2~3分鐘後落一落去拎^^」
本小姐:「好，唔該哂。」

件事就係咁落幕，
當時我真係好火滾，
明知唔係太關A小姐字都係忍唔住語氣唔係幾好，
最後拎得返2個批-v-心情靚返好多，
其實我好明白熙少都有唔岩，
但係我唔想鬧熙少，唯有打去鬧(?)無辜既A小姐，

今日較為特別既事就係哩件XD
開blog 以來最無聊既日記順誕生了，
多謝支持XDD。各位~觀眾~晚安。。。

刊登時間︰2006-11-20 01:44 AM  [ 編輯日誌 ] [ 分享至FACEBOOK ]