|
係上個月既月中，我家姐Msn問我睇唔睇演唱會，
有Eason、軟硬同埋衛蘭。
當時我都矛盾，因為Eason同軟硬我都ok想聽，
但係衛蘭既興趣實在不大。
最後問我家姐幾錢張飛，
佢話$150貴飛，咁我又覺得ok丫，
於是就應承左話去啦。
到左今個星期一，我家姐突然Msn我，
話星期二要去睇演唱會，問我記唔記得。
好老實，我就真係完全唔記得左
之後諗返就記返起哩件事。
結果，又再問我家姐幾錢啦，(當時真係唔記得左)
咁佢就答我$250。
當時都覺得好奇怪，因為照計250我就唔會話去，
唔係話個演唱會唔值，但係畢竟d人又唔係話全部都喜愛。
於是，我返到公司就開返我同我家姐個Msn History睇，
發覺當時我家姐真係講150喎。(心想:咁就奇啦)
到左食完晏之後，就Msn問我家姐，
「你之前話係150喎，你當時記錯定係今朝講錯呀？」
我家姐竟然回返我，「我冇講錯，你記錯。」
咁我就copy 返個history俾佢睇啦，
最後佢緊係發現完來佢初時講左150啦。
原本諗住星期二請假，
但係當我知道左d 飛要250後，
我就極之唔願意請，
感覺上好似賠了夫人又折兵咁。
本身同阿仔俠傾左話可以俾我早返2個鐘，
再早走返2個鐘，但最後都係冇，
因為我記得Patty好似唔鍾意人咁樣早走，
廢事節外生枝。
結果，最後就請左假係屋企，
洗埋d 野，掃埋抹埋塊地，(好乖=_=)
然後就洗頭沖涼出門口去睇show啦。
出到街，勁大雨，係屋企果時明明仲係毛毛雨。
(唔通連個天都唔鍾意我 )
本身諗住食d 野先去睇show，
點知最後計算上出錯，所以趕唔切。
入到場，發覺個show同想像中有d 出入，
因為原來哩個show係麥當當搞既世界兒童日音樂會。
所以成晚個氣氛同主題都幾健康。
第2個出入就係，
多左何韻詩同古巨基，仲有一班歌唱比賽既小朋友
不過整體上黎講個show都ok既，
小朋友方面都幾好笑，同埋幾可愛。
但係成個演唱會真係高下立見。
Eason同軟硬既聲勢係勁好多，
古巨基都還可以，
衛蘭同何韻詩就認真麻麻。
不過都冇後悔去睇，
因為整體上黎講個show係ok的，
同埋買飛既錢全部都會捐俾世界兒童基金會。
都幾有意義ga ，嘻嘻。
到最後不得不提，
原來d飛真係$150，
我家姐係又講錯又記錯。^~^
| 
