慘絕人寰

繼續講返昨日件事，
其實係度同大家講聲對唔住先，
因為我真係太細膽，
所以其實果個網既詳細內容我係冇真正咁睇過，
因為我實在冇咁既勇氣去接受哩個現實。

但係今日，我終於同我家姐講起哩件事，
其實本來唔係太想講，因為我知佢知道左會好hurt。
但係我覺得佢應該有能力召集更多既人，
因為佢都識唔少愛狗人士，
而哩會集會一定要召集好多好多人黎參與，
咁先至有意思。

我今日只係用文字黎描述件事，
佢已經喊到收唔到聲。
因為只要係聽落都已經覺得係太可怕。
同佢傾完電話之後，佢喊成咁，
所以決定同佢落旺角行下散下心。
於是早退左2小時。

最後，我覺得我都需要知多少少，
就再一次鼓起勇氣，開左果個網黎睇，
但係我都依然係唔敢睇圖，只睇字。
可惜，連睇字我都忍唔住要喊。

我實在無法想像如果有一日，
我帶緊我既狗狗行街散步既時候，
有人走埋黎係我眼前將佢活生生打死。
如果哩件事發生係我身上既既話，
我到底點去面對？

果D中國愛狗人士一字一句既哭訴，
他們心如刀割的表情，
係腦海入面，冇辦法忘記。

我今日想叫我家姐將哩d 資訊post上一個佢朋友玩開既論壇，
叫佢朋友幫手宣揚一下哩件事。
於是我問「家姐，你大佬鍾唔鍾意狗ga？」
佢答「佢唔鍾意狗，不過佢係人。」
一言驚醒夢中人，哩個已經唔係關乎你鍾唔鍾意狗既問題，
只要你係人，你就會睇唔過眼，就會憤怒。
我相信只要係你地能力範圍內既，你就會幫手。

請大家多多幫忙吧。
謝謝。

刊登時間︰2006-11-26 12:31 AM  [ 訪客留言(0) ] [ 編輯日誌 ] [ 分享至FACEBOOK ]

良心燘滅

其實前幾日已經有一個同事Send左一條link俾我，
當時我都有入去睇過，
但係我靜係睇到d 相已經喊左出黎，
所以唔敢再好詳細咁睇個網。
而果個網址，係關於中國內地屠殺狗隻。

今日果位同事放假，
但係中午既時候都係返左黎。
一方面應該就係同老細慶祝生日，
一方面就係返黎籌款。
因為佢地組織左一個小型既機構，
係12月2日搞一次大型既集會，
希望引起香港大眾對哩次事件既關注。
而舉辦一次咁大型既活動係需要籌募經費，
所以佢就返左黎希望各位同事唔出力都出少少錢。

好後悔今日銀包只係靜返40大元，
但係我都將全部錢捐哂出黎，同埋我都會考慮參與12月2號既集會。
因為，實在係太太太過份，
我諗只要良心燘滅，都一定會覺得太過離譜。
就算一個唔鍾意狗既人見到都會覺得不忍心，
我相信香港鍾意動物既人都唔少，
見到既時候真係心寒+心痛。
用世界上最惡毒既文字黎鬧佢地都不為過，
我睇到既時候真係冇辦法平伏到心情。

我而家將條link放出黎，
請大家做足心理準備先好入去，
同埋幫幫手將條link forword出去，
等多d人知道哩件事。
我知道我地做到既唔多，亦未必有用，
但係哩個係唯一既希望。
感激所有幫手既人。

網址係 http://www.agfasia.org/1202/
如果真係十分愛狗既人士，
勸你地唔好睇d 圖文，著重睇返d文字。
請大家forword出去，謝謝。

刊登時間︰2006-11-24 11:24 PM  [ 訪客留言(0) ] [ 編輯日誌 ] [ 分享至FACEBOOK ]

心血

這個背景我是於22日~23日零晨弄好的，
所以決定把這篇日誌定義為22日的日誌。

這次的背景，是我看了7x頁素材找來的，
我也真是佩服自己，因為看得很累。
但看到7x頁還是值得的，
因為我滿喜歡這個底圖。

之前那個是李秀雯女士幫我弄的，
也很漂亮，但感覺上太有型了，
配我好像很奇怪，畢竟我是型不起的(汗||)

我看到這個底圖時，真的是很喜歡，
但想了又想，用了會擋到字，或日曆那些，
經過我多番嘗試，終於變成現在這個樣子。
我還要把舊的日誌全部右置，很苦，(=_=")
可見我有多執著要用這個底圖。

轉了底圖後，還是有問李秀雯女士的意見，
因為曾經有向她提過有某人常常在抱怨，
說我的blog字的顏色太深，看得很痛苦，
於是李秀雯女士就叫我把字轉色白的。

轉了後，發現白色有點太亮了，
就用低一度的白色，結果不錯。
然後就慢慢幫整個blog的字色調轉好，
心想應該可以弄完了吧。
但最後又覺得日曆的底圖有點怪，
又癲狂在網上找圖(=_=...)
還好最後還是找到了，也很喜歡。

最後今朝看到那個某人on，
就告訴他我轉了色和底圖，去看看可不可以。
(我也不知為何要徵求他同意就是了=_=)
他說不錯，比較有我的Feel，嘻。
但還是成感謝李秀雯小姐啦XD

刊登時間︰2006-11-23 01:19 PM  [ 訪客留言(1) ] [ 編輯日誌 ] [ 分享至FACEBOOK ]