偏離

再繼承昨天既話題，
其實我重點係想講偏執症。
由於我覺得哩個係比較容易有既問題，
所以我覺得比較需要關注。

其實有偏執症既人我諗不在少數，
只不過係嚴重程度有分別。
而有偏執症既人，其實大多都係一d 有思想，
有主見既人。但係慢慢思想開始越黎越偏激，
對佢所堅持既野越黎越執著，以至演變成偏執症。

佢地以為自己既偏激同執著係為左捍衛個人思想，
覺得咁樣做好有個人Style。
但係我覺得，當佢地關始病態既時候，
反而會失去左自我。
因為佢地已經係為唱反調而唱反調，
為顯示自己好有個人特色而做作出偏激既言論。
佢地已經係俾自己既病態控制住，
任何人只要批評或唔認同佢地既想法，
佢地就會做出更偏激既行動黎回應，
而點都唔會覺得係自己既問題，亦唔會去反省。

慢慢。。。就會演變成偏執症，
甚至係妄想症。

刊登時間︰2006-11-29 01:51 PM  [ 訪客留言(0) ] [ 編輯日誌 ] [ 分享至FACEBOOK ]

執迷

哩幾日成日都後補日記，
其實係因為我唔習慣有一睇住我既情況之下寫blog，
所以係屋企寫唔到，唯有係公司分lunch或做哂d野既時候打。

星期日本身話想去買隻最受女人購物狂黎睇，
因為其實我同我家姐都幾鍾意。
輕鬆搞笑得黎都有d message帶到出黎，
都算唔錯ga la ，睇得開心，又有內容。
所以我絕對唔會將佢歸類為爛版，
需然有好多人都話佢係。

我好記得佢裡面既一句說話，
係一個咁精神緊張既社會，有少少唔正常都係好正常既事。
我覺得真係幾有道理。

每日返工放工，係地鐵上總會撞到一d 看似精神有問題既人，
然後整個地鐵上既人都會以一種好奇怪既目光望住果d人。
看似好悲哀，但係果d 人到底係咪自得其樂？
我暫且唔討論哩個問題住，因為未整理好自己既思緒。

而我覺得沉迷網上活動既人，
(例如：論壇、網上日誌、online game)
都會比較易有一種精神問題 －－ 偏執症。
留意，我所指既係過份沉迷，而唔係有玩開哩d 野既人都有問題。
當然唔係所有沉迷既人都會有啦，
而就算有，若果係唔嚴重既其實係都少事。
偏執哩2個字只需要用字面解 －－ 偏激、執著。
並唔係所有偏激、執著既人都叫做人偏執症，
點樣先算有，我諗真係好難有一個定位，
而我諗所有既人都會對某d事物存有執著。
(我不是心理學家=_=只是想討論。)
符合偏執症有幾個條件：
極度執著於某樣事物、過份高估自己、
為求目的不擇手段、思想偏激、易怒、我行我素、
堅持己見(堅持到甚至連善意的批評或意見也會敵視)、
實不相瞞，我覺得某個Forum上面大量哩d 人，
不過係邊個Forum就唔講啦，唔想俾人狂小，
因為果個Forum都幾多支持者。=_=

而其實偏執症既後遺症係好大，
好易演變成妄想症。
但係偏執症既人根本唔會聽人講，
所以好難去開解或勸告佢地。
奉勸大家，發覺自己既朋友有少量以上既症狀既時候，
就要開始著手注意哩個人，如果唔係就萬劫不復架啦。

哩篇日記我只係想帶出哩d 野，
暫時唔寫個人感想住=~=有興趣請留言XD

刊登時間︰2006-11-28 06:15 PM  [ 訪客留言(0) ] [ 編輯日誌 ] [ 分享至FACEBOOK ]

無所適從

又到又星期日啦，
每個禮拜差不多必放假既日子，
不過哩排好似冇乜街去，
戲又冇咩想睇，街又冇錢行。
於是乎又係屋企懶懶洋洋過一日。

本來今日熙少話要返工，
點知佢老細打黎果時，佢呃佢老細話落雨，
於是佢老細就話唔駛佢返啦。
咁佢又訓返落床訓多陣先啦。

到左11點幾，我地就起又身啦，
冇咩野做，又係睇下網打下機咁。
真係好無聊好無聊。

差唔多4點幾，機又唔想打，
熙少又狂嗌悶，咁就唯有睇下小丸子啦，
睇睇下，佢都係話悶，咁就搵戲黎睇啦。
我家姐係台灣臨返香港果時燒落好多dvd，
但係一路都未得閒睇住，於是我就係咁搵係咁搵，
最後就睇斷背山啦。

初時睇都好地地，越睇越唔對路，
唔知點解睇落怪怪地，又細聲，字幕又唔岩，
有時睇睇下又好似跳左咁，真係越睇越唔明。
唔知係我既問題定係隻dvd既問題啦，
熙少直頭睇睇下訓鬼著左。=~=

之後熙少就落去買飯俾我食，
食完又睇下小丸子打下機咁又過一日。
真係異常咁無聊。

熙少哩個人真係有點兒奇怪，
成日就係度嗌悶，靜係星期日，
佢夠膽死一個鍾嗌5次以上悶。
佢明明覺得咁悶又唔搵d 野搞，一味話悶。
叫佢打機佢又話悶，睇網又悶，
睇小丸子又悶，睇戲都話悶。
到底佢想點樣呢=~=?
有時我真係好鬼唔明佢。
難度佢係想出街玩？
如果係既佢都可以開心見成同我講丫。
好過係咁係我面前嗌悶，好似我悶親佢咁。

其實，我唔知佢點諗既，
不過我諗佢既意思唔係指陪我好悶既。
不過你試想像下，有個人係你身邊不停咁嗌悶，
又唔有所行動，得把口係度狂嗌悶，
我諗都幾炆下囉。
我好炆，但係又唔想為哩D小事發脾氣，
真係有苦自己知。
睇黎都係時候同熙少溝通溝通。

刊登時間︰2006-11-27 07:55 PM  [ 訪客留言(0) ] [ 編輯日誌 ] [ 分享至FACEBOOK ]