沉重

今日係星期六，本來係要返工既日子。

但係由於尋晚收到一個sms，所以決定今日唔返工，陪佢出街。

就算唔駛返工，都係晨早九點幾起左身，習慣真是害人的東西

本身諗住等佢訓晏d，先再打俾佢叫佢起身，點知12點幾佢就msn我，

我都嚇左一跳，本來以為佢係果d 唔叫唔識醒既人-_-..

4點鐘度出到去，就開始行，唔知點解雖然好似同平時一樣打打鬧鬧咁行，

但總係有點怪怪的感覺，唔通係我多心？

本來諗住行完街返去我屋企打邊爐，但係佢有野做走左先，

所以最後都冇打到，不過機會多的是，唔緊要啦@~@

臨走行左一個好神秘既商場，好似係旺角新開的，

不過好唔就腳，本來對佢冇抱好大期望，點知最後竟然係入面買到野，

仲係一條超岩心水既連身裙，著上身都唔錯(個人覺得)。不過親愛的熙少話似大肚裙(嘔血)

不過唔緊要，就算佢係似，佢都一條靚既大肚裙！!

今日同佢傾開計，發覺一個定律，

原來兩個人一齊耐左，真係好難真正咁分開。

可能係因為一種習慣；一絲不捨；一份堅持或者係心有不甘．．．

要建立一段關係真係非常容易，但要維持一段關係就十分困難。

所以，當一段關係已經含辛茹苦咁維持左好耐，到分開既時候，

就一切都化為污有，果種心酸真係難以形容。

可能到最後，兩個人仍然會走在一起。

因為懶散 － 不願意重新去建立另一段關係。

因為不甘 － 自己所建立既一切付諸流水。

因為不捨 － 對方共同擁有過的快樂及回憶。

刊登時間︰2006-11-12 02:38 AM  [ 訪客留言(4) ] [ 編輯日誌 ] [ 分享至FACEBOOK ]

給十年後的我

歌手：薛凱琪 | 作曲：陳小霞
填詞：黃偉文 | 編曲：Billy Chan

這十年來做過的事
能令你無悔　驕傲嗎
那時候你所相信的事
沒有被動搖吧

對象和緣份已出現
成就也還算不賴嗎
旅途上你增添了經歷
又有讓稜角　消失嗎

軟弱嗎
你成熟了　不會失去格調吧
當初堅持還在嗎
刀鋒不會　磨鈍了吧

老練嗎
你情願變得　聰明而不衝動嗎
但變成　步步停下三思　會累嗎

快樂嗎
你還是記得你跟我約定吧
區區幾場成敗裡
應該不致　麻木了吧

快樂嗎
你忘掉理想　只能忙於生活嗎
別太遲　又十年後至想　快樂嗎

哩首係Fiona 既給十年後的我，

近排我地我家姐好鍾意將d 新歌放係msn既共用資料夾度，

好處就係可以當係backup咁用，唔怕冇哂d歌。

壞處就係成日update唔到d 歌，所以得個等字。

記得哩首歌當時就係遲遲都未update到上個共用資料夾度，

當時我家姐同我講哩首歌好正，我都唔知咩事，因為未聽過。

到終於有一日，我好不容易終於update到哩首歌，

好開心咁係msn 同我家姐講，佢竟然回我一句"小心聽到喊"

當時我既感覺係，係公司應該唔會掛。

我通常係2點幾鍾食完lunch開始會聽歌，

因為家姐已經講左哩首歌好耐，所以我就迫不及待播左黎聽。

誰不知，我在公司真的失控了。

我亦終於好明白點解我家姐講哩首歌會講得咁激動。

一個人越大，原來失去既野就越多，

人大左，就會對身邊既事物產生麻木感，

一d 曾經好憎既人同事都要被逼接受，當初既堅持同勇氣都會慢慢消失。

以前既所謂理想通通已經唔存在，你只能為生活而工作，

而不是為理想而工作，哩種講法，可悲得黎好切合現實。

到底地球上有幾多人可以做到自己理想既工作呢?

我對自己既童年印象十分模糊，只有一d 零碎既片段，

甚至乎我跟本分唔清邊d 係真，邊d係假。

我都唔知自己點解會咁樣，可能因為我自己潛意識逃避左，

但係我都相信自己小時候始終都曾經擁有過一個夢想，

即使我已經遺忘，但係佢確實存在過。

我而家21歲，到底十年後，我可唔可以做到無悔?

哩係係未知之數，但係我好希望係十年後，即使我唔能夠做到無悔，

至少可以做到一件令我覺得值得為自己驕傲既事。

人要活在當下，及時行樂。

刊登時間︰2006-11-08 11:44 PM  [ 訪客留言(0) ] [ 編輯日誌 ] [ 分享至FACEBOOK ]

紋身

今日上班時，係地鐵見到一對情侶。

點解我要特別講哩一對情侶呢?

因為我發覺哩對情侶係同一個位置上都紋左同一款紋身 － 紅雙"喜喜"

曾經係好多朋友口中得知佢地既某d 朋友會為左佢地既男/女 朋友去紋身。

可能情到濃時所做既決定，但係其實佢地有冇諗過但感情轉淡，甚至分手既時候，

你所承受既，可能係雙倍或好幾倍既痛楚。

有時多人紋身只係一時衝動，之後就會好後悔。

甚至去洗紋身，或者用一個紋身去遮掩一個舊既紋身。

其實你地洗到既、遮蓋到既只係最表面既傷痕，

紋身時候果種刻骨銘心既痛，會永遠存在係你腦海入面。

刊登時間︰2006-11-07 07:24 PM  [ 訪客留言(0) ] [ 編輯日誌 ] [ 分享至FACEBOOK ]