詛咒

今天，是星期六，12月2日。
對我來說，這真是一個沉重的日子，
如果有留意我的日誌，就會知道在11月尾時，
我曾經提及有關中國大陸嚴重虐殺狗隻問題。
12月2日，會於中環遮打花園舉行哀悼晚會。

其實參與集會前我已有心理準備，
我看完後大概會有很多後遺症，
所以其實我曾經有想過放棄，不要去。
但是，我始終覺得，如果我退縮了，我絕對會後悔，
所以我始終都還是去了。

集會內容大致上都是環繞虐殺犬隻的問題，
而且這次集會的人數並不少，還有外國人參與。
在開始前半小時，我和我姐已經到達現場，
看到很多人在看有關集合的資料，
還有部份人是看完資料後才決定要臨時參與的，
可見那些資料到底有多麼的震撼。
而那些資料，我一直不敢細看，我實在負荷不了。

開始集會時，本來心情就很沉重，
結果，聽了不夠5分鐘，我就已經開始啜泣。
心裡不等重覆一句話「牠們到底做錯了什麼？」
看到一幅又一幅的圖片，一次又一次的心碎。
我想我絕對無法想像大陸的狗家長所承受的恐懼與心痛；
看著自己的所愛的小狗被 打死/送走 而無能為力、
即使帶著足夠的金錢去帶回自己被送走小狗，
得到的卻可能是已被下毒、手腳或腰骨已被打斷、
病情嚴重到只能送去安樂死的小狗，
照片中的狗家長哭得肝腸寸斷，唯一能做到的，
就只有讓自己的小狗走得舒服一點，不要再活著受罪。

一件一件的案例，一字一句的控訴，
我由當初的啜泣，到最後已是痛哭。
我實在無法理解，為何要做到如廝地步。

在場有一位人士講得十分好，
身邊總有一些好事之徒常說：
「你們不是也會吃豬吃牛嗎？你們為何不為死去的豬牛哀悼」
我們在此請問大家，你們有看過導盲豬、警牛嗎？
你們有看過在災難現場幫助救援的是雞呀？
你們過關時請問有看過緝毒羊嗎？
再請問大陸政府，難道你們國內沒有緝毒犬、
警犬及救援犬嗎？
如果有的話，請那該些犬隻身高有超過35cm嗎？
超過的話，我請問你們有把他們處死嗎？
還是你們仍在利用牠們做事呢？

我可以告訢大家，超過90%的作業犬隻是超過的。
較為人熟識的包括：金毛尋回犬、雪橇犬、拉布拉多獵犬，
而在國內，這類型品種的犬隻通通要死。
我相信唯一能幸免的就只有仍被中國大陸利用中的作業犬。
而一般家庭養的，已通通無一幸免。

集合完結後，眼淚仍在流，但心情是較為平伏了，
可是，回到家時已筋疲力盡，眼晴已疲累得無法睜大。
睡在床上，腦海中仍不時出現那些畫面，
眼淚仍不時流出，使我根本無法安眠。

在此，我祝福所有仍未被殺害的狗兒永遠開心快樂，
但願牠們能盡快擺脫扼運，重過新生。
希望被無辜殺害的狗兒能夠安息，
因為直到死，你們都是善良的，所以不用怕，
假使世上真的有天堂，你們絕對會在天堂快樂生活。

最後，送幾句說話給已不配稱為人的廢物。
善有善報，惡有惡報，不是不報，時辰未到。
假使世上真的有地獄，你們絕對會下地獄的，
他朝君體也相同。

刊登時間︰2006-12-04 01:46 AM  [ 訪客留言(0) ] [ 編輯日誌 ] [ 分享至FACEBOOK ]

珍惜

踏入12月，姐係代表聖誕又就快到啦。
唔知大家有咩節目呢？
我諗今年我暫定就係屋企過，
請幾個朋友上黎，一齊食聖誕大餐。

天氣開始轉涼，大家小心身體呀，
著多件衫，唔係好易病架。
我身邊都有唔少人已經中左招啦，
各位請小心呀。

最近聽左Eason Chan既新碟，
真係好得，好多首都好正，
重點推介4首：
裙下之臣、富士山下、黑擇明、白玫瑰
富士山下D歌詞真係好絕，
好心酸同淒美。
而黑擇明就好有意義，
用D好妙既字詞去修飾。
以下先post出黑擇明歌詞，請細味。

黑擇明
作曲：C.Y. Kong
填詞：林夕

他不姓黑 不怕黑 選了光 叫最暗黑的戲院 發出光
臨行仍不肯撒手拍出一片彩色 給仰望
他很有心 很會講 黑暗中 老百姓怎麼發出 熱與汗
人又有幾多怕光 要急於往花瓣下 被探望

未夠色 便要腥 若有日你也開鏡 願對白不要認你命
別要驚 別要驚 亂世下佈滿樽頸 這都市已吃夠血腥

情緒或高或低如此詭秘 陰晴難講理
既然浮生就如遊戲 不如坐戰機
黑暗下磊落光明中演你 心能隨心揀戲
這時期演傷心戲 戲爛人未死

失戀也死 走去死 走去死 你母親傷心到死 內疚未
誰人逃不出債主 似三歲跳飛機 悲夠未
抑鬱也死 想去死 想去死 你當你醫生已死 沒見地
忘掉了雙星報喜 把天井當悽美地 煽未

誰也在暢讀死亡的筆記 不如來推推理
要求存似電玩遊戲 操練著戰機
死也未怕又怕甚麼苦戲 不如重溫好戲
死亡遲早都找你 切勿憑自己

自殺是需要很大的勇氣，既然有勇氣去自殺，
為何不去面對？
人終需一死，何必靠自己。

刊登時間︰2006-12-02 01:55 PM  [ 訪客留言(3) ] [ 編輯日誌 ] [ 分享至FACEBOOK ]

小聰明

小聰明 薛凱琪

作曲: 歐陽業鴻 / 歐陽業俊
填詞: 周耀輝
編曲: 歐陽業鴻

如我就算天資聰敏 還有沒有用
連你做錯都可想到全部你的苦衷
而我大概真的聰敏如你不夠好
還會代你遮掩繼續鼓舞

欣賞我吧原諒你原諒到自豪
我太好難隨便憤怒
明白你明白到 怪責我不好

或者 期望著你不會做到的
但我最差天生有悟性
你也連統統死症
偏偏知你在努力

或者從未遇過不會做到的
讓我最多加些氣力
別要愛得意難平
是我太感性 或太聰明也就好勝

如我什至不想聰敏笨也許更好
無法代你想得那樣苦惱
欣賞我吧原諒你原諒到自豪
未去到難道便冷酷
明白你明白到怪責我不好

我就算不快樂 這種戀愛是我的
唯獨我拼盡了倆人的勁

我記得你曾經同我講過，
有好多野，就算佢做得唔好，
你都Feel到佢已經盡左力，
所以自己冇辦法責怪佢。
所以當我聽到哩首歌既時候，
我覺得佢好岩你，
想要既話問我拎。

哩幾日都冇乜特別，又係返工放工咁。
返到屋企食完飯，又係打下機咁樣，
打打下，因為某d 野話熙少2句，
(因為我佢做緊我勁憎果種人，忍唔住口。)
佢就語氣好差咁鬧左我兩句。
勁無奈，我都講過唔可以為左Game既鬧我，
於是成晚冇再同佢講過半句野，情願自閉玩勁舞。
例牌，訓覺果時扮冇野，痴埋黎，
我都廢事睬佢，繼續訓。

我承認，我都有話左佢幾句，
我只不過係想佢唔好再咁樣做。
佢做緊既野好乞人憎，我唔想佢變到果d 人咁，
我話佢唔係因為隻Game，而係因為佢既行為。
佢語氣唔好咁話返我2句都算數，
無啦啦發哂脾氣，無奈。

有時男人哩樣野真係好難明，
係隻Game到俾你惡哂咁又點，都係假既。
我唔想佢沉迷係虛構既滿足感入面。

刊登時間︰2006-11-30 04:44 PM  [ 訪客留言(2) ] [ 編輯日誌 ] [ 分享至FACEBOOK ]