|
今日好神奇地請左假
主要原因係因為我隻指甲斷左
但係又未完全斷哂 自己又冇可能整得甩
所以唯有請假去整返好啦
話哂新年都唔想爛住指甲咁過ga ma
好耐未試過訓到自然醒
因為哩期星期日愛上左去睇早場
所以連星期日都好早好早起身
訓到大約1點度就起左身
尋晚book左5點~6點半去整指甲
就玩下電腦 上網睇下新閒先啦
盡量唔做d發聲既活動 費時俾熙少話我嘈住佢訓
大約2點度 整左個杯麵食
然後就開爐沖涼出門口
由於間野係第1次去 所以早左少少出門口
撘到車去佐敦地鐵站
只係4點半度 心諗實會早左好多
點知佢網頁上面個指示錯鬼左
搞到我一開始就行錯方向 哂左好多時間
最後仲要打電話去問返佢地位置
去到已經4點10 但係d 人好忙
所以只好坐係度等下 等既時候打從心底對間野有好感
因為我覺得佢地做得好有heart
所有野都做得好有規矩 好整齊
最最最貼心既係佢每間室入面都裝左個大電視
係度播住電影 等大家整緊甲既時候冇咁悶
話就話book左時間啦
可惜到最後都係要等 不過我都預左
因為聽佢地講d人真係好full
等到大約5點5度 就到我整啦
幫我整果個甲師細細粒好可愛
樣子都唔錯架 幾討人喜歡
一路都有久唔久傾下計
我整甲果時佢都有俾d 意見
d 意見都好有用添
唔知下次可唔可以搵返佢幫我整呢
本身我係諗住整黑色架
不過諗諗下 如果新年整黑色仲唔俾人鬧到狗血淋頭咩
所以到最後都係放棄左 決定左整紫色
不得不提係 我發覺第1次幫我整果個甲師完全唔入流
本身整完出黎我對個效果都有少少失望
不過都冇出聲 因為第1次整唔識咁多野
到今次整完就真係幾氣憤
上次整得又慢 又痛 又累 仲要唔靚又勁厚
今次整得又快 又舒服 仲要好靚好自然
哼 不過第1次就當交學費啦 以後唔幫襯佢
本身諗住今日有相機拎架
不過家姐話連續2日要早起 所以聽日先拎
心情好興奮呀!!!yo!!!!
係屋企樓下就撞到我家姐 勁巧合
上到樓即刻俾熙少睇
熙少都話哩次靚好多
佢又好氣憤咁話上次呃錢XD笑鬼死
食完飯本身諗住熙少又要返夜
佢話連續2日返夜好辛苦 因為早上訓覺訓得好差
結果佢老細打黎話唔駛返 開心到佢死
我都好開心 唔駛再自己1個人訓
今日又係1日Happy days !！!！ | 
