病入膏肓

今日應該係我最病既一日，
一早起身就不停咳、打乞痴，
成個人痴痴呆呆，暈下暈下。

但係我知自己咁樣唔返工2日的確唔係幾好，
昨日仲要因為d私人野而病左都冇去睇醫生，
所以只好硬住頭皮返工去。/~\

返到去係咁咳咳咳咳咳，
聲到變哂，又沙又"盟"。
阿仔俠仲係咁話我係度傳播病菌，
其實我都覺得自己係，不過唔知可以點。

返到屋企繼續同熙哥冷戰，
哩一關佢永遠鬧不羸我，
最後都會係佢認低威。
所以哩場冷戰都開始降溫，
不過我仲係嬲嬲地。\口/

刊登時間︰2006-12-22 01:45 AM  [ 訪客留言(0) ] [ 編輯日誌 ] [ 分享至FACEBOOK ]

故態復萌

終於，星期一到來了，
真係病左，病魔始終沒有放過我的意思。

起左身，真係好唔舒服，
忽冷忽熱，頭暈又咳，
最後都係決定請假。

都係九點幾起左身，
請完假之後用左一陣電腦，
睡魔就開始急call我，
所以12點度又走左去訓覺啦。

大約4點度訓醒起左身，
都仲係好唔舒服，
諗住坐一陣等個人回魂先行去睇醫生。

點知到左4點半度，熙少打黎話放工，
咁就諗住等佢返黎一齊去睇啦。
好啦，到佢返到黎已經5點幾，
由於懶惰唔想行多次，所以決定6點落街睇醫生，
順手買埋飯返屋企食啦。

好啦，點知無啦啦吵左大獲，
害到我一氣之下冇去睇醫生。

2個星期內病2次，
又再一次引證禍不單行哩句說話。

刊登時間︰2006-12-22 01:26 AM  [ 訪客留言(0) ] [ 編輯日誌 ] [ 分享至FACEBOOK ]

懷念

12月15日係我媽媽既死忌，
我同家姐係今日就決定去拜媽媽。

事隔兩年，其實感覺已經變淡，
不過都仲係會有d 淡淡既哀傷。

食完晏，我就沖涼洗頭化妝預備出法啦，
點解要化妝呢？因為我媽媽好貪靚，
所以化個妝先去見佢啦。

首先同家姐去左街市買花，
買左媽媽好鍾意既火百合。
然後去左紙扎舖揀d 野燒俾媽媽，
我同我家姐不約而同地話要買馬吊。-_-
搞完一大論，買左d 甜點、西餅同埋古古力，
差不多4點45分既時候先去到。

點知去到見到關左門，
當時個心都幾驚，好在個看更叔叔好人，
俾我同我家姐入去拜埋咋，
於是就同家姐上左去正式開始拜媽媽啦。

拜完媽媽，我同家姐就去左官塘行左陣apm，
我咩收獲都冇呢，家姐就買左香水同埋一份聖誕禮物。

我就係咁過左我一個假日啦，
不過，我開始覺得病魔黎緊搵我。

刊登時間︰2006-12-19 01:23 AM  [ 訪客留言(0) ] [ 編輯日誌 ] [ 分享至FACEBOOK ]