臨近

距離聖誕節仲有2日，
心情多少都有d興奮既，
因為聖誕俾人既感覺真係好歡樂。

今日都仲係要如常返工，
但係我地今日仲未傾好到底聽日去邊好，
於是胭少就好急咁打俾我問。

一陣搵左一陣，最後都係決定韓烤，
首先緊係要訂位啦，
唔係平安夜邊樹有得食。

終於決定左聽日既行程，
希望可以開開心心咁過啦。
仲有就係，希望可以買到我份聖誕禮物。

刊登時間︰2006-12-28 12:04 AM  [ 訪客留言(0) ] [ 編輯日誌 ] [ 分享至FACEBOOK ]

老懷安慰

今日，終於到我要剪頭既大日子啦，
本身胭少係book左12點半~1點去剪，
但係好可惜，我地2個都遲左，
所以最後要去到成2點先去到。

係我地撘車去既途中，
胭少突然同我我講，
「我娘話今日冬至唔剪得頭髮。」
當時我係絕對感受到佢既無奈。

去到髮型屋前，
一如胭少所形容，
間野個樣真係勁up Dub，
如果係我行過就絕對唔會入去果隻。

入去既時候都幾多人下，
可能大家都想係大節日前靚d 掛。
等到無聊既時候就同阿胭吹下水，
同埋留意下佢點幫人整頭。o.o

個髮型師個樣好後生，
我甚至覺得佢可能細過我。=_=
但係我睇到佢同人剪既時候都好有心機，
會慢慢同個客分析點樣去剪個頭，
或者好清楚講出佢堅持要點整就會有咩後遺症，
所以當我睇完佢同人整，都已經放心左好多。

我整頭既情形就唔詳講啦，
大至上我個頭做左幾樣野，
足夠我係髮型屋坐左4個小時有多，
果幾樣野包括有：
剪/電/染/highlight/焗油。
而大至上我都幾滿意，
我諗我以後都會搵返佢幫我整。

我終於都可以係香港搵岩一個人幫我整頭，
果種開心法真係難以形容，
亦總算係老懷安慰。=~=

剪完頭髮之後，
我同阿胭就去左九龍城行左一陣，
不過由於阿胭今日要做冬，
所以行左一陣就各自各返歸lu。
好可惜我都係冇任何野做到，
真係唔知係好事定懷事lu。

p.s: 哩篇日記係我重打架，
唔知點解岩岩打完禁送出資料佢冇反應，
只好怒打多次。

刊登時間︰2006-12-25 11:37 PM  [ 訪客留言(1) ] [ 編輯日誌 ] [ 分享至FACEBOOK ]

好轉

今日都算有好D啦，
不過仍然都仲係咳同流鼻水，
繼續努力係公司傳播病毒。

起身既時候，忽然好想整頭，
可能由聖誕將近既關係，
加上我真係好耐冇整過，
已經差不多到我可忍耐既極限。

於是就打電話俾阿胭，
問佢去邊度整好。
打俾佢既時候佢仲訓緊，
本身諗住今日就去整，
可惜今日佢唔得閒帶我去。

於是乎就考慮聽日再去啦，
但係諗諗下，佢而家訓到唔清醒，
就算佢而家話聽日得閒，
都係十分之唔可信，於是今晚再問。

於是放工既時候就再打俾胭少，
問清楚佢聽日係咪堅得閒，
結果真係堅得閒，so happy。

其實講開整頭我都幾緊張，
以前係台灣搵開一個女仔剪，
真係勁滿意，勁開心。
但係返到黎香港之後就再冇遇到一個岩心水，
成日覺得佢地d 整得好似好敷衍。
希望今次可以遇到我岩心水ga la 。>.<

刊登時間︰2006-12-25 10:57 PM  [ 訪客留言(1) ] [ 編輯日誌 ] [ 分享至FACEBOOK ]