先兆

星期六，天氣真係好凍，
不過唔知點解我個人d 神經好似傻哂咁，
忽冷忽熱，個身仲係好暖，
但係就狂打乞痴。

返到公司都係呆呆滯滯，
由於公司係室內，所以超焗，
最慘係著嬲就熱，除嬲就凍。
不過最後我都係著住。

哩個天氣都係奇奇怪怪咁，
早午晚d氣溫相差甚遠，
搞到個人好易病。

當然，我仲係覺得自己咁樣只係轉天氣，
所以一時適應唔到，先會狂打乞痴流鼻水，
會唔會係我太過天真呢？

刊登時間︰2006-12-19 01:11 AM  [ 訪客留言(1) ] [ 編輯日誌 ] [ 分享至FACEBOOK ]

信仰

今日係yahoo熱門搜尋竟然見到高琳琳哩3個字，
我相信好多人對哩個人名都唔陌生，
如果仍未清楚哩件事可以參考以下連結。
p.s 請做好心理準備。
http://www.speech.com.hk/kolamlam/index.htm

其實睇到哩件事，個心都有少少唔舒服，
不過嘗算平靜，我亦好佩服佢父母既勇敢，
因為俾係我，我諗我都唔知有冇勇氣生佢出黎。

從哩件事，我發現有宗教信仰，
係面對逆境上係有好大幫助。
所以宗教係有存在既必要，
可以帶俾好多人心靈上既寄託。

當然，在一個無神論者眼中確係有點自欺欺人，
有時都幾羨慕有宗教信仰既人，
起碼佢地係面前生離死別上可以寬容一點。

無奈我就是無神論者，
哩個係不爭既事實，
所以我永遠無法自欺欺人。

最後，請各位信徒見諒，
我並非有抵毀你們宗教的意思，
如有得罪，請多多包涵。

刊登時間︰2006-12-18 11:28 AM  [ 訪客留言(0) ] [ 編輯日誌 ] [ 分享至FACEBOOK ]

包裝

無可否認香港真係一個好有節日氣氛既地方，
無論係咩節日都好，
香港市民都會用好多野去包裝一個節日，
當日既佼佼者緊係中秋、聖誕同埋新年啦。

我曾經係台灣過過哩3個節日，
同香港都係相差甚遠，
同人討論，得出黎既結論係，
香港人比較有生意頭腦。

其實細心d 諗諗，又好似的確係，
所謂既氣氛都係用金錢去堆砌出黎。
其實諗深一層，雖然話係用金錢去堆砌，
但係如果可以製造得歡樂既氣氛，
我相信哩d 錢都係值得洗既^~^

唔知大家認唔認同呢。@@

刊登時間︰2006-12-15 06:52 PM  [ 訪客留言(0) ] [ 編輯日誌 ] [ 分享至FACEBOOK ]