|
其實我一路都唔希望係哩個blog到講任何有關online game既野，
因為online game 對我黎講只係一種誤樂，我唔希望太打擾到自己既心情。
但係，我諗我今日要破戒了，因為我實在有點憤怒。
每一個人打機既原因都唔同，有d 好似我咁，係為左誤樂。
有d 人可能為左果種成功感，我識好多男人升lv 都係為左殺人，
反正係game 入面，殺人唔需要負上法律責任，何樂而不為。
我好明白每個人既原則都唔同，我自己本身都係一個和平主義者，
係game 入面一個人都未殺過。
但係，哩個係「我」，並唔代表其他人。
我唔認為只單單因為我唔鍾意咁做，就有權阻止所有人咁做。
我覺得唔應該將自己既思想，強加係他人身上。
大家係同一個圈子相處，應該要互相體諒，而唔係互相指責。
所有我覺得唔對路既人，我都會開除。
但係，係可接受既範圍內殺人，我覺得係絕對冇問題。
況且，隻game 根本就已經有一套好完善既制道，黎防止一d 唔鍾意打殺既人受到傷害。
只要你唔白名，人地咪一世都殺唔到你囉，
所以，只要你唔想參與係一d 打鬥中，你絕對可以避免得到。
如果你係都要白名，就要預左隨時都有可能被人殺，哩個係遊戲規則。
借用一句歌詞：玩不起這遊戲的人就請靠邊站！
如果每每有人殺左人，你就話要走，要退會。
我諗我真係留你唔住，道不同不相為謀。
有原則唔係唔好，但係有原則得黎請先認清事實。
我要講既係咁多。
希望哩一次係我第一次，亦都係最後一次係哩個blog 度寫哩d 野。
係度要講一聲對唔住，對唔住果d 睇唔明既人，浪費左你地既時間 | 
