最後的團年飯

今日終於食最後、最重要既團年飯
就係入上水同我阿婆、姨媽食

訂左6點半食團年飯
我同熙少6點就到左
冇幾耐家姐同阿婆都到
等左一陣 姨媽佢地都黎左啦

食飯既時候冇咩影相
不過都好開心呀
我大表哥女朋友個女超級可愛
勁活潑 係咁問d好搞鬼既自創IQ題
笑到我地成台人反肚咁滯

食完飯之後 我家姐約左佢朋友一齊去行花市
咁我地唯有陪佢一齊等佢個朋友啦
等既時候好無聊咁係度玩相機

等左成個幾鍾 佢個朋友終於食完團年飯
出黎上水一齊join 我地出去旺角行花市
好耐未試過行一個咁熱既花市
熱都算 仲要係勁悶熱 行左幾步個身已經痴哂
不過既然入左花市 就已經絕無退路

哩幾張係入花市之前影 一路行緊去既途中

入左花市之後 真係勁多人
同埋由於個場地實在太細
加上個管理實在唔夠維園好
所以好難好難行 行到有點火

見到維他奶既攤位 以前飲住熱維他奶行花市可能係好爽 可惜今年.. .

我地行左一陣已經想死
好多臭汗味 所以逃出生天後已經唔想再行返入去
咩都買唔到 逼都逼唔到埋去

最後我地逼左出去 諗住落九龍城食糖水
由深水埗行落九龍城
其實話遠又唔係好遠 不過 .. ..
真係好濕呀 行到想發脾氣
好在d糖水真係超級好味 條氣順返哂

總括黎講 今日真係又愛又恨
熙少陪我行左咁耐都冇咩講
都幾開心架 加上又有美味糖水

刊登時間︰2007-02-19 01:35 AM  [ 訪客留言(0) ] [ 編輯日誌 ] [ 分享至FACEBOOK ]

童心未泯

今日已經係年廿九
不過我都一樣係要返工
返工就有咩好講架啦

放工之後 家姐話要出旺角同媽咪拎d野
所以我地就一齊出左去旺角啦

之後就去行左一陣
經過新ソ城既扭蛋機舖
依然係欲罷不能地入左去抽Melody扭蛋機
我同我家姐都一齊有儲呀

我地2個夾埋就已經齊左成套啦


哩3隻係我最鍾意果3隻呀 所以佢地有個人照XD

之後我地去左行朗豪
由於大家都未食野
所以去左朗豪間滿記食糖水
係滿記入面有好多飛天豬好可愛

今日既行程就係咁上下啦
有點無聊 不過都好開心

刊登時間︰2007-02-18 01:54 AM  [ 訪客留言(0) ] [ 編輯日誌 ] [ 分享至FACEBOOK ]

豁然開朗

今日係補祝我既情人節
我係熙少半夢半醒間講既野佢竟然聽到哂
真係好開心好開心呀

7點15分度收到熙少既電話
佢話佢已經就到觀塘 但係我要8點先收工
於是佢就係我公司坐左一陣等我收工啦

收左工之後佢問我食咩好
我就話不如去apm食啦
比較多選擇 主要係又多野行d

去到既時候大家第1時間就搵野食
本身諗住食和民架 但係多人到嘔
所以最後就去左和民隔離既意粉屋食野啦

等左1陣就有位啦 都幾好呀
於是就坐度商量食咩呀啦
最後叫左哩幾樣野

圖1:湯 都幾好飲架 圖2:芝士焗西蘭花 都好好味>v<


圖3:熙少個意粉 佢話一般咋/.\  圖4:係我個拿破崙意粉呀 勁好味道呢>v<

食完野之後行左1陣
因為熙少仲要返工既關係
佢話最多只可以行到10點
之後我就去左扭Melody扭蛋機
扭左熙少30蚊 勁得意呀!!

行行下熙少話買多1份禮物俾我
當時聽到真係好開心呀
但係絕對唔係因為份禮物 係因為佢既心意
我知佢係想哄我開心加 多謝你

最後行到落最底 見到有好多攤位
同埋好多豬 於是就是但影左幾張啦

最後經過Anna sui既時候
好想好想影張相架 但係熙少話唔俾影
我都唔明點解架 佢靜係話好地方都唔俾影
於是我就好趕忙影左一張就算

今日其實只係過得好平凡
不過我真係好開心呀!!
我都唔知點解 好多謝你咁累都陪我呀

刊登時間︰2007-02-17 12:04 AM  [ 訪客留言(0) ] [ 編輯日誌 ] [ 分享至FACEBOOK ]