|
今日係大年初一
尋晚去行花市之前
我地去左新世紀廣場買飛睇門徒
由於初一好似好多人想睇戲咁
所以靜係得早場最多位
於是我地就買左9:30早場
起左身之後就拿拿聲刷牙洗面出門口
去到既時候已經差唔多夠鐘
好趕忙咁買完個早餐入到去就差不多
門徒真係幾好睇 佢出左DVD我實會買
要睇左次先寫感想 而家暫時唔講住
睇完早場去左奧海城間百佳掃貨
買左超級多野 可惜我唔記得左影相
實在太太太失敗啦 下次一定要記得
掃貨掃左成6xx蚊 不過係3個人既
之後返到屋企就煎左糕
食岩岩係百佳買返黎d壽司做晏
d壽司就一般啦 但係d糕又唔錯喎
本身諗住食完晏就入去熙少媽媽屋企拜年
但係我真係太過眼訓 所以訓著左
最後到差唔多5點先入去拜年
入到去熙少就馬上嗌開台
不過行緊入去既時候已經聽到好多戶人家開緊
哩個都算係一個中國傳銃習俗？
一開始既時候我係輸架
不過都係輸少少 冇咩糊食
打左一陣就食飯啦 好耐冇食過住家餸
真係幾咁懷念架 仲有湯飲添
食完飯坐左一陣又繼續開台
神奇地勁自摸 嬴到開行
原來打牌最開心就係自摸 XD
其實熙少都嬴架
不過佢自摸我唔俾錢
但係我自摸佢就要俾 所以佢羸得少過我好多
今日都算過得幾充實架
又去左睇戲又去埋拜年
最緊要仲係有錢羸添 勁開心呀!! | 
