我愛動漫

雖然如此,但係我對於熱血、勵志既動漫係抱住又愛又恨既心態

每次睇呢一種動漫既時候

我都會忍吾住問自己

點解佢地為左達成自己既夢想可以不斷努力

甚至逆境向前

而我...連拍翼既動作都未做過

就已經斷定自己係一隻駝鳥

我好討厭淨係一味將個頭塞入窿度既自己

我...好討厭自己...

但係咁講之前,有個大前題

拍翼真係可以完夢?

我既夢想係咩?

「成為科學家,製造時光機」

雖然呢個夢想如今已經被我塞左一堆冠冕堂皇既原因

但係我好清楚我既夢想最主要既原因係咩

我亦好清楚我既夢想係虛無

我吾係因為難度太高就話佢係虛無

而係,我有呢個夢想既原因

係為左回到過去,阻止自己既出生(實際做吾做到係另一會事~)

換言之,我最深層既夢想

係死

好多年前我就想自殺

但係當時既我認為,如果我死左既話

一定至少會有一個人為我傷心難過

所以先會出現呢個諗法

E家諗番,原來我當時就好清楚呢個想法

只不過係一個藉口

呢幾日我一直都諗

「既然做吾到時光機

就趁早死鬼左去

佢地傷心關我叉事

啊~係啦~既然要死,就死得新穎啲啦~

叫個血腥瑪莉出黎隊冧我啦~」

我企塊鏡面前

準備嗌出網上流傳既咒語

.........................呢個時候,我驚

我吾驚鬼,更加吾信有鬼

我甚至發夢同隻鬼做愛

但係咁既話,我究竟驚咩?

                                             驚死?

嗯,我驚死

我嚮往虛無,同時畏懼虛無

原來我同絕望先生一樣

心底裡都清楚

「我係怕死既人」

我只係將呢一個矛盾包裝成「夢想」

然後扔比未來既我解決

我既夢想只不過係怕死既藉口

呢16又半年既時間

原來我一直都用呢個藉口苟且偷生

呢16又半年

我都清楚「夢想」只係一個藉口

而我只係一直都吾肯承認而已...

所以我先會打從心底裡畏懼熱血既動漫...

我呢個夢想

簡直就好似要全能既上帝整一舊連佢都舉吾起既石頭一樣

無論點樣努力去拍翼

做吾到既永遠都做吾到...

以後既日子我都死吾去

所以我只能夠生存落去

但係又要為左啲咩而生存落去?

吾知...

我只係知道

我已經無辦法可以好似以前咁講

「為死而生!」