原來都好耐無係qooza post過小說下

原本買電腦都係為左打小說啫

雖然都有用word打左一啲

但係又冇咩動力

而且網絡真係好多誘惑

DSE考完,好突然咁報讀一啲婚禮統籌師既課程

聽講話時間幾自由(其實係冇固定打工時間炸掛...)

希望可以抽到啲時間打小說

另外我又申左個高登帳

希望有啲巴打催下我出文

不過係高登我就唔會打推理小說

因為我硬係覺得推理係香港唔算主流,冇人睇就廢事啦

所以我就打算打鬥智小說

類似係liar game/賭博默示錄既小說版咁啦

第一隻game已經諗好大概

細節一直就拖下拖下咁

都差唔多拖左個零月

點都好,去高登出文練文筆就一定架啦

以前想一步登天參加島田莊司小說獎實在太癡人說夢

華文推理比我想像中多勁人好多

總之加油啦