由細到大想有一個完完整整的家庭對我嚟講,只是自己安撫自己的借口,因為自小我就在一個唔完整的家庭成長,所以令我的性格好任性同百厭,其實我同阿媽的關係時好時壞,近這幾年的其實已經好了很多,不過經過傍晚發生的事之後,我已經對我阿媽真真正正死了心,還點有冇阿媽,對我嚟講從來都唔重要,因為在我身邊有好多好朋友同契爺.契媽/契大佬/婆婆.舅父.舅母/姨媽痛疼就已經心滿意足,所以現在有冇阿爸阿媽對我嚟講就真係已經唔再重要,好,這些傷心事唔好再提啦! ! ! !

我啲閙情緒的問題,由上月尾到前幾日又嚟發作,每一次發作,我都會得罪身邊好多人,包括屋企人.朋友.還有關係同屋企人地位一樣的人,這次閙情緒要到前幾日先平伏返晒,而這次閙情緒係我有史以來最耐的一次,不過經過這次閙情緒的事之後,我先知道我真係非常任性,而且還得罪咗一個唔可以得罪的人,在此我要特別多謝在我今次閙情緒期間,除咗只係閙我之外,對我又好容忍.而且又仍然好庝我的這位愛人,thx...........

雖然年初一同情人節到已經過咗,不過都唔係真係過咗好耐,都只係過了幾咗鐘,現在已經係年初二,但係今年的年初一同往年係完全唔同的,因為今年年初一是再加埋係情人節,所以就過得比以往不同好多,今年除了朝早/下午跟往年一樣係到處拜年之外,當然係還有夜晚的情人節節目啦,下午拜完年返家,都已經係將近黃昏,打了幾個長途電話拜年之後,再休息了一會,就跟住搭車過市中心等女朋友到,買定完戲票之後,食完飯後,再行多一陣,就跟住再去咗UA睇72家租客,這套戲真係好鬼死搞嘢同真係好鬼死好笑,所以這套戲無論你係有女朋友又好或者係單身都好,都可以去睇,咁當然如果有個伴,就緊好啦,不過冇都唔緊要,因為可能遲啲會有呢,順帶一提,如果真係有女朋友的男仔,不防可以帶你女朋友去市中心,不過小弟就唔係好記得個間餐廳係3樓還是4樓,個間餐廳啲嘢都幾好食,而且個環境都幾浪漫,同時如果在情人節去的話,不防可以帶吓你女朋友去佢哋個度試吓佢哋個度啲情人節大餐,個度啲情人節大餐真係唔錯,而且又有一對金銀的情侶杯送,而個對杯我同我女朋友現在就一人一隻,隻杯佢就要金色,而我就銀色,咁就過咗一個又開心同浪漫的年初一同和情人節啦~~~~~~~~

今日係阿B的生日,所以係富泰個燒烤場BBQ當係同阿B慶祝生日,其實這幾個月我BBQ同打邊爐的次數多咗好多,阿B你又大一歲啦,要比以前緊聽教聽話,比心機讀書/快高長大/學業進步.......

今晚就係重要約會下集,今晚又是同女朋友和上星期個FD一齊同這對重要人物在新墟某一間茶餐廳食晚飯,起初我都唔知甚麼原因,我女朋友食晚飯前同晚飯後當堂變了兩種唔同脾氣,後來我先知佢因甚麼事發脾氣,所以食完今晚餐晚飯後,對我嚟講係勁無奈呀,唉~~~~~

上星期就和女朋友相約好,今日一齊去了一個都係令我哋兩個都有好多回憶的地方同一個重要人物食飯和聊天,之後到晚上再相約另外一個FD一齊食晚飯,另外一個FD就自己搭車返屋企,咁我當然就同女朋友行一陣然後先再返屋企啦,其實今日這個約會只係上集,還有下集,下集就要留返下星期先再講啦.......

想住尋晚是平安夜,不過其實我都唔係太過平安呀!因為自己病咗成個星期呀!所以平安夜就唔想在家中渡過,所以就相約啲FD出來唱K,原本計埋我就只得3個FD唱,誰不知個FD話要返大陸飲,就臨時唔嚟得,我話唔係好太平安的意思係除咗自己病之外,因為成晚在唔同時間都有啲意外發生.例如有個FD應該係臨時相約食宵夜,我就一口答應了,誰不知我忘記了另外一個FD係個醋情嚟!但係這個兩個FD對我嚟講都好重要,兩個都係缺一不可,其實每次對住佢兩個的時候,我都會有一種唔識形容的感覺出了嚟,所以尋晚佢兩個一見面,我個份非常不安和没有安全感的感覺就完完全全出晒嚟,好在有另外一個FD相約在場一齊食宵夜,我個心先定返小小啦!當然未有咁快就完!這個只係成晚意外的開始,食完宵夜跟住就同個一早約好唱K的去唱K,唱唱吓K,跟住又有另外一個FD打電話嚟話冇車撘返屋企,所以佢就係旺角撘車嚟元朗會合我哋一齊唱K,誰不知佢身上一個仙都冇,只得一張八達通,就要另外個FD幫佢出住錢先,個位人兄就即時有啲想嚟料啦!誰不知佢真係嚟料,佢就等另外個FD走了,就即時向我發洩,咁算點先,男人老狗,又小器.又小家.又易呷醋.你人唔係呀,好心你啦!堂堂一個男人,唔該就比啲男人風度出嚟啦!做男人做到你,就不如死咗佢好過啦!我今年個平安夜已經唔平安啦!誰不知同你一齊過完之後,就緊唔平安,所以已後一啲興高彩烈的日子,都係要長細考慮過先好決定同唔同你一齊過呀! ! ! !

今日個天氣就真係非常之差,成朝都落着雨,不過明知個天氣咁差,我都仍然同另外兩個FD走去行山,咁就三條友落着雨行啦!正常的人都唔會咁做,不過落着雨行真係好好玩同刺激好多,有機會的話,我都真係好想試多次,但係其實落雨行都真係幾辛苦吓同危險好多,比起平時天氣好的時候行就真辛苦同危險好多,但唔緊要啦!因為我會會咁記住這段又好玩又刺激的回憶,因為一生人真係可能冇咩幾多次~~~~~~~~~~

尋晚就同了兩個FD去咗海洋公園玩今年的十月全城哈囉喂,原本想住今年唔會去,但係最後又係去了玩,不過今年已經冇前兩次去咁好玩,因為小了好多鬼同啲鬼屋又唔夠之前咁驚嚇,咁去玩完十月全城哈囉喂後,當然唔係返屋企啦,而係又有餘興節目,就是去了荃灣唱K,唱完K再一齊去食早餐,食完早餐先再各至搭車返屋企,當然返到屋企第一時間唔係沖涼而係換衫睡覺,睡醒覺先沖涼,咁就又過了一日啦..................

其實今晚要去對面海出席一個婚宴,但係其實我係非常之唔想去,但冇得我選擇,唔去唔得,一定要去,真係慘呀!今晚成晚留留長,啲時間都唔知點過,現在只希望今晚的時間可以快啲過咁就得啦,時間快啲過,咁我就會覺得好過啲啦................