咩料呀!?有冇搞錯呀!?到現在都仍未瞓到,由今年二月去過一次旅行之後到隔咗成九個月先再去兩日旅行,早唔病遲唔病,現在去旅行,先才嚟病,唔係咁呀!已經搵唔到阿哥陪我去旅行,我都已經有啲唔開心,現在又病,O MY GOD!!!

因為間房既新睡床未嚟,最快都要15號先嚟!所以間房現在變咗一間好有日本感的睡房,其實我很喜歡現在間睡房很有日本感,但係都有一個壞處,就係要睡地下,所以我現在其實晚晚都睡得唔係太好的! ! ! !

梅姐就有隻歌叫兩個愛,我就唔係有隻歌叫兩個愛,我係叫有兩個仔,唔係結咗婚有咗小朋友個啲仔,而係兩隻小倉鼠,我當佢地唔係我的寵物,而係當佢地係我兩個仔,兩隻雖然係唔同品種而且一隻動另一隻就靜,同埋又完全唔同性格,一隻就好聽話而另一隻就完全似足我百厭,仲想成日都咬我,真係好鬼死得意,希望佢地可以開心健康成長,就係我最大心願啦.....

返這工已經有3個幾月啦,暫時都冇咩問題出現,希望可以keep住啦,其實我想講唔係這點,我想講係返這工,我要用成3個閙鐘叫自己起身返工,普通閙鐘/電話閙鐘同iPod閙鐘,想想吓我自己都覺得好似有啲恐怖!駛唔駛用成3個閙鐘呀!冇計啦!鬼叫部電話個閙鐘之前出現問題呀!咁見買咗部iPod,就教埋iPod個閙鐘,希望用成3個閙鐘,唔會出現甚麼問題啦!!!

踏入2013年,唔過一個星期就病,真黑仔,希望可以快啲好返啦!同時我希望身邊所有我愛及愛的家人/朋友/同事係2013年都身體健康,開開心心,工作順利,心想事成.....

昨晚一放工之後,就立即同成班同事及我契哥一齊去打野戰,計埋尋晚玩,已經係第四次玩,不知不覺我發覺自己已經愛上玩野戰,雖然玩野戰係有啲危險,不過其實都係一項好講求整個團隊的成員互相信任/工作及支持的遊戲同運動,每次玩完之後,成個人好似都放鬆晒,期待下場戰爭來臨.....

原本今年生日應該可以一如以往開開心心過,誰不知要給我一個不生難忘的生日呀!令我今年要過了一個係無奈同不安的生日!這份生日禮物實在太驚嚇呀!我超唔喜歡囉!唉! ! !

這幾日都入了屯門醫院,因為腸胃炎,在醫院這3日簡直想死,咁大個仔,都未試過一個月內要比人打成6次針,好在這3日都有好多好朋友來醫院探我陪我,多謝你哋的關心同支持,如果這3日都冇你哋陪我的話,我都唔知點過,特別在此我要多謝我阿哥,因為佢住觀塘,收咗工入來探完我之後,又要咁夜再搭返車出觀塘,辛苦晒大家~~~

前幾日同阿哥阿嫂阿妹係土瓜灣一間酒樓打完邊爐後,我哋四個就一齊唔舒服,間酒樓真係好有問題呀!這間酒樓一次過,唔會再有下次! ! ! ! !

想住自己年齡同阿哥的關係,對搵工已經冇以前咁執著,搵到現在這份想住短時間內應該都唔會有咩問題出現啦,仲好開心咁同婆婆安排好晒嚟緊這半年的計劃,好啦!現在咩到破壞晒啦!又要再重申計劃過啦! ! ! ! !