哈哈哈，我返ｏ左黎喇，同呀豬＆媽媽返ｏ左廣州５日４夜，好開心可以同呀豬一齊返，我唔駛咁悶ｌｕ．．．

第１日：我同呀豬約好ｏ左９點半係我屋企樓下等，因為呀豬冇帶電話，所以聯絡唔到佢，不過我落到樓就見到呀豬ｌｕ．．．

我地拎住一袋２袋ｇａ行李就出發喇，我地搭小巴去落馬洲到過關，上到小巴之後撞到媽媽個朋友，所以一齊過堔圳．．．

搭小巴果時呀豬暈車浪，真係咋，哈哈，好快就去到落馬洲ｌｕ，之後我地就過關喇，去到大陸果個關果時，因為我換ｏ左回鄉證，所以要重新整過指紋確認．．．

果個女職員態度超級差囉，我寫ｏ左繁體字姐，你唔識睇就唔識睇喇，講到我好似寫錯字咁，人地寫錯咪寫錯囉，ｄ態度差到好似唔想要份工咁，信唔信我投訴你呀喇．．．

去到堔圳之後我地就搭地鐵去羅湖，因為要係果到搭火車，搭呀搭呀搭，終於去到羅湖ｌｕ，之後就買火車票，等ｏ左一陣就上火車ｌｕ，上車途中仲要撞到鵬鵬．．．

咁都撞到同學，原來個世界真係咁細，跟住上到火車，岩岩好係３人位，搭車途中我地係到玩啤牌，唔經唔覺就到ｏ左廣州ｌｕ，之後我地又要搭地鐵．．．

搭呀搭呀搭，到ｏ左西門口果個站出，之後我地去ｏ左食ｌｕｎｃｈ，去ｏ左得心酒樓到食，果到ｄ雞雞又幾好食呀ｗｏ，食飽飽之後我地就去租酒店ｌｕ．．．

我地去ｏ左天星酒店，係間３星豆泥野黎，不過１２０蚊一晚係咁上下喇，佢俾ｏ左間尾房我地，我死都唔要，之後轉ｏ左前一間房．．．

我地放低ｄ野係房跟住就出ｏ左去ｌｕ，媽媽要拎野俾人，我同呀豬就係銀行到等佢，等呀等呀等，等ｏ左好耐都未到，銀行臨閂門先黎到．．．

之後我地就去ｏ左萬菱玩具精品中心到行街，見到好多好得意ｇａ野，仲睇中ｏ左幾份手信，不過呀豬話行下先，行到６點幾媽媽就話要走人ｌｕ．．．

因為佢話約ｏ左人食飯，我地去返得心到食飯，６個人叫ｏ左好多樣送，不過有２樣我都唔食ｇａ，食飽飽之後我地去ｏ左附近食糖水，真係飽到想嘔．．．

食飽飽之後就返酒店休息ｌｕ，返到酒店同呀豬玩ｏ左陣牌就沖涼訓覺喇，因為好累累呀，第２日再繼續．．．

第２日：今日訓到９點幾就要起身ｌｕ，因為媽媽禽晚應承ｏ左姨媽去表姐到打麻雀，之後我地去酒樓同埋媽媽ｄ朋友一齊食晏就．．．

呀豬同我係咁係到食食食，佢地就係到傾傾傾，果間酒樓ｇａ飯飯好好味，我同呀豬一人食ｏ左一半，之後等埋姨媽過黎食．．．

食飽ｏ左就搭車去表姐屋企ｌｕ，表姐住８樓，要行樓梯，行到我喘曬氣，之後上到佢屋企見到呀怡，即係我個表姨生女．．．

佢地係到打麻雀，我同呀豬同埋呀怡就入ｏ左房玩，我帶ｏ左旅行裝ｇａ大富翁，我地就係到玩呀玩呀玩．．．

玩到３點就玩完ｌｕ，呀豬好衰呀，踩中佢塊地就要我俾千幾蚊，搞到我賣地先夠錢俾佢，真係好邪惡呀．．．．

不過大贏家都唔係呀豬，係呀怡，哈哈，你想贏好難喇，之後我地就係到玩鋤大Ｄ，呀豬成日都ｗｉｎ　ｇａ．．．

玩玩下，呀豬話玩鬥地主，我唔識玩呀，所以佢地教ｏ左我玩，原來都好易玩姐，玩到６點幾就出街食晚飯ｌｕ．．．

我地又去ｏ左酒樓到食飯，８個人叫ｏ左６碟送，其中一碟係蒜香骨，真係好好味，搞到我食ｏ左好多舊．．．

食飽飽之後我地就搭車返酒店ｌｕ．．．