好耐好耐冇打到日記ｔｉｍ，呢排考緊試，仲有２科就考完喇．．．

今日１０點返ｏ左去立昇開會，點知我係第一個到，之後玲敏同ｓａｍｍｙ都黎ｏ左．．．

隻豬又唔記得帶手機囉，咁重要ｇａ野都唔記得帶，你係咪真係豬黎架．．．

開ｏ左半個鐘會到，我地就要出發幫手派傳單喇，我地一齊搭西鐵去天水圍．．．

我地總共有１２個人，分ｏ左３個地方派，我同ｓａｍｍｙ同埋另一組人係樂湖到派．．．

不過因為我同呀豬未食早餐，所以去新北江食ｏ左先，我食ｏ左雞扒腸仔奄列同埋公仔麵，都幾好味．．．

食飽飽就開工ｌｕ，我地係新北江門口附近派，一開始都冇咩人要，加上我企果個位好少人，所以派ｏ左陣就去ｏ左呀豬個位到．．．

呀豬果邊好好多，派呀派呀派，派到３點終於收工ｌｕ，不過都係派ｏ左１半咋，之後我就同老ｍｉｓｓ返元朗，呀豬就返教會．．．

我上中心到坐ｏ左陣，關生話可能要派多日，我下次都唔知去唔去好，之後我就同老ｍｉｓｓ佢地去樓下食野．．．

我食飽就返ｏ左屋企ｌｕ，聽日開始又要溫書喇，我幾時先擺脫到自修室呀∼∼∼

ｐ．ｓ今日我個ｍｅｎｔｏｒ打ｏ左俾我，真係估唔到佢會打俾我呀．．．＠＿＠”