今日１０點幾就起ｏ左身，去南昌到等呀豬，點知到ｏ左南昌，呀豬仲話係屋企，激死我喇．．．

等呀等呀等，唔知過ｏ左幾多班車，呀豬先到，我地去ｏ左圓方戲院到買飛先，睇２點５０ｇａ孤疑．．．

呀豬掛住係到打機，等ｏ左佢好耐先去食ｌｕｎｃｈ，我發現新開ｏ左間大快活，所以就決定碌去食，因為其他餐廳實在太貴．．．

之後我地去ｏ左大快活，我食ｏ左個上海排骨菜飯，呀豬食ｏ左個黑椒鰻魚鑊仔飯，雖然我係好鍾意食鰻魚，但係佢果ｄ鰻魚實在太怪喇，食ｏ左幾舊就頂唔順．．．

因為仲未夠鐘入場，所以同呀豬搵個位坐係到打機，呀豬玩雷頓，我就玩芒亨，玩都差唔多夠鐘就入場ｌｕ．．．

我地去果個係６號院，入面果個係大院，個銀幕大到不了，好快就開始做ｌｕ，睇到４點５０分就完場．．．

套戲好好睇呀，睇到我有ｄ驚驚地，果個女仔個樣真係勁陰深囉，不過我點都估唔到個女仔會係咁，未睇ｇａ快ｄ去睇喇，真係好正ｇａ．．．

睇完之後我同呀豬去ｏ左鴻福堂到食野，食ｏ左個下午茶，有６粒燒賣，一隻茶葉蛋同一支野飲，呀豬仲換ｏ左個龜玲膏食．．．

食飽飽之後我地就搭車走人ｌｕ，同呀豬睇戲好開心呀，哈哈，我愛你．．．