E幾日學校同屋企地下個層同埋D樓梯好溼滑,好似俾人用好濕的地拖拖過咁,人人行過都留低D黑鞋印,地面咁容易跣低人又要望住行,好討厭......昨日竟然咁暗咁多烏雲都唔落大雨,今日好焗呀,唉呀,有雨就落啦拜託...

 就咁又過完個新年假,時間真係過得快到不得了,返左一星期大陸日日打機,帶本classwork去都冇掂過,而家個Ms.Wu嚴左咁多開始冇情講會丟你落留堂班都唔知做唔做好,仲有VA又唔知點畫點影印,星期二有堂啦都唔知點死.......

 哈哈,考試拎到的名次唔係咁好,班名次仲係最後幾名添!以為又會被人鬧,點知又冇喎,人人都只係不停叫我努力D溫返書,話D數學,科學,中西史同中文應該可以考返個好些少的成績.......

我會係這個學期主動學習,希望下次考試成績更好

 點解我上親電腦堂都唔知要點做阿sir講的野?次次去到都問左問右鬼有人理你咩?這個問題從我小學一年班開始一直到而家都唔能解決....好困擾呀!!!!!

 而家出學校隊都冇哂安全感la,又係咁俾人誤會........點解咁多野都係臨死個刻先知既呢?完全無心理準備或者D野有時又安排唔到時間唔可以幫手,又俾人話衰.........

我一個人實在做唔到咁多野,況且我去到邊都唔係咁幫到手,去左又盞累事咁,我自己唔好受架(唔一定可以從我個樣知道,所以見唔到唔代表我冇野).....大佬你地放過我啦!