平安夜晚約左綺婷同燕兒食飯,

本來仲約左其他人,不過最後得我地,

我地講好要交換禮物,所以我地就去左買禮物,

揀左兩個幾鐘先揀好,七點半去左一番食飯,

有耐無食三文魚同鰻魚,好正,

食完之後,我地抽籤換禮物,

我抽到燕兒個份,燕兒抽到綺婷個份,

綺婷當然抽到我特別為佢準備個份啦~

我相信佢一定會好"鍾意"!!

喜歡就是喜歡!

這種心情是無法壓抑的,是世界上最珍貴的東西。

                                                      (From Long Vacation)

行開嘉湖,發現新開左間紅間屋,

鋪面唔大,但佈置得好有Feel,

好奇入去睇左陣,最終都忍唔到手買左一支黎試,

買個支出自阿根廷,$90,屬於果味較重既類別,

一開樽就已經聞到濃郁既果香,飲落都幾順口,

吞左之後口腔仲有餘韻,從價錢、香氣、複雜性同餘韻黎講,

呢支酒都好抵買,作為紅酒既入門,絕對買得過,送禮都唔錯架!!

P.S. 紅酒既酒精濃度為8-14%,我買個支就13%,大半杯已經會醉醉地,大家睇住黎飲!!

今日要返8點半,一黎就係Material既Test,

兩題LQ,大部分都唔識,死左...

Lunch去左屯市吉之島既美食廣場食晏,

同小善佢地買左個蛋糕,幫十一月生日既人慶祝,

壽星包括Wynne、萬子、阿Blue、阿佘同態度,

下晝上堂,係阿Sir未到之前,之前無吹蠟燭既阿佘補返,

係佢同男友肥彭影相個陣,我地開始大叫"咀佢",

起哄左幾分鐘,最後都成功焗到兩人深情一吻~

之後,大家當住阿Sir面分左個蛋糕黎食,但無佢份~

星期五要Test Building System,又要開始溫書,

好彩聽日Day-off,可以溫書!

Our Happy Halloween at EMAX!!