今日落雨,巴士又遲左,又行得慢,

搞到遲到,不過只係遲左1分鐘啫~

都要扣分,一d酌情權都無,學校無人性架!!

唉....今日係花底紀念日,慶祝我炒花左個底。

今日Lunch返到去,做完Geo MC,

Karson提議玩猜澄猜,輸左個個就要帶住吉野豬面具

出去走廊行一圈,點知最後佢自作自受,猜輸左,

無奈之下,佢帶左個面具就跑左出去,

之後我地都追出去睇,成班人係度歡呼,

d Form3走晒出黎睇,點知好死唔死,引左Ms Kok黎,

俾佢係走廊度捉晒我地成班廿個人,

我地企晒係走廊俾佢鬧,佢真係大聲到全層樓都聽到,

佢問我地"係我落黎之前你地知唔知你地既行為會騷擾到其他人"

我地梗係答知啦~但係吳Ben同Beagal真係超夠彊囉~

佢地答唔知,俾Ms Kok串左一餐,

佢罸我地放學之後落去企~~

放學測完PA就落左去企,

廿人分佈兩邊企,超壯觀,d人行過一係啤我地,

一係俾我地啤,期間Steven、肥Wan、Roger行過都問我地做咩,

肥Wan走個陣仲同綺婷講"謝綺婷,你愈大愈壞啊!"

綺婷話自己性本惡,無計,

老師行過都無咩,但係禍不單行,連校長都行過,

佢問我地發生咩事,但我地謹守吩咐"唔好同d壞人講野"

所以我地咩都無講,後來Ms Kok黎到,

話我地如果咁聽話,(應該係校長問過佢)就個個會考攞7A,

之後就放左我地走,不過大家都仲想企耐D囉~~

哈哈~真係勁開心,我地係盧記創下左新既一頁~

今日放學個陣,行到巴士站,

原本同李裕桐say hello,點知有兩個人應,

細看之下原來係"阿爺"黃嘉華本尊,

自上次小學同學小聚會之後,已經有一年幾(唔記得左)無見過佢,

雖然大家只係相隔幾十米....發現佢之後,

我二話不說就行上去同佢傾偈,

講左幾句近況同約定下次要搵返d舊同學再聚,

而家都中五啦~應該都係時候,搵返d舊同學聚舊,

再重溫往日小學的生活~~好開心可以見到阿爺~~

@@@@@@@@@@@@@@@@@@@@@@@@@@@@

最新一期既Harry Potter終於係尋日到手,

身為中級哈迷既我,當然第一時間就開始刨書啦~

只可惜,,黎緊有地理、中史小測,唔可以進入完全忘我既刨書狀態,

係度只可以不停嘆息.......唉~~唉~~~唉~~~~

但係我依然會不停咁使用任何可以偷倒既時間,

例如,食完早餐後、搭緊車、早讀課、上緊堂、小息、上緊堂、

Break、上緊堂、Lunch、上緊堂、搭緊車、食飯之前同瞓覺之前,

而目的只有一個,就係以最快既速度睇完第七集=結局篇!!

我而家又要趕住去溫完書,再刨過!!下一次再打日誌既時候,

應該係我睇完既時候,好想快d到個日~~(p^0^q)がんばって-->頑張り

今日有三個測驗,有心理準備既有兩個,

時段分別係頭兩堂,Lunch後兩堂,加放學後一堂半,

Maths.個個一d都唔識,個腦一片空白,

我諗剛仔改完一定會激死....

英文堂潤腸再次新增佢既<黃語錄>,

佢祝大家"Happy Chung Ming Festival"~

今日有隻肥豬感染伊波拉病毒,變身伊波拉豬,

計劃毀滅地球,各位地球人請小心!!!

新版既音樂,令我諗起戀愛盒子呢個遊戲,

我之前從來無諗過自己會玩online game,

盒子係第一個,我到而家都仲記得入面既楓葉谷、櫻花村、梅恩港.....

個陣時每日返到屋企就要第一時間開game-->打工賺錢-->換造型,

而家諗返都覺得好好笑,但係又好懷念個d日子,

無咩壓力,又唔使諗咁多,

係人生經歷得愈多,生命愈複雜之後,反而希望返到最簡單既時候.....

最近既新聞,都好傷感,

垃圾桶發現初生棄嬰、16歲少女懷孕父不詳、母子自殺墮樓亡、校園槍擊時件....

世界唔知係幾時變到咁,係人既價值觀唔同左,定係地球發生異常,

如果唔係,點解個世界會咁既....?