| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2005 年 11 月 12 日 星期六 
|
打醮  |
今日下晏兩點幾成家人同鄰居既兩個妹妹出左門，
搭K76轉西鐵去到錦上路落車行左一段路，
係一個地方停左一陣等埋另一個人，
三點幾我地一行人開始行入打醮既地方，
行左大約十幾分鐘，
我地就到左一笪地方，
個度本來係一個荒蕪既大空地，
而家係路面鋪左層野變成路，
由先見到既係停車場，
D車多到無位泊，
D人陸陸續續行過停車場去到入口，
入口左邊有d好大塊既牌，
好似d酒樓掛係外墻個ｄ咁，
大約有七至八塊（應該有七八層樓高），
四周圍有好多旗，
上面寫住"錦田村 酬恩建醮"，
入左門口，見到一個好大似帳篷既建築物，
佢主要由竹子黎支撐，
四面既外墻都係由紅色既大花牌（門口個D）遮住，
入面有四個組群，
分別係宴席區、開幕禮區、拜神區同觀賞區，
宴席區顧名思義就係有好多枱既地方，
開幕禮區有個台上面有d凳，台下面又有d凳，
俾d嘉賓坐，主禮開幕既人有錦田鄧氏d村長喇、咩太平紳士、
咩總警司、咩立法會議員、區議員一打人，
又致詞又剪綵，悶死人；
拜神區比較得意，
入面唔大，四面都有好多紙扎公仔，
聽人講個個野係有名堂，
叫「十八層地獄」我見到有d公仔俾人萬箭穿心，
有d俾人鋸頭，有人俾人剪脷，真係好「地獄」，
仲有d武當山呀紫竹林呀十八銅人呀；
觀賞區有d電動既紙偶模型，
夜d個陣仲真既布偶戲，
d公仔好得意，中國傳統手藝；
主營出面有d小檔圍住，
有龍鬚糖、即做既手造糖公仔、小飾物、小食等，
我食左龍鬚糖同d糖公仔，
龍鬚糖都唔錯，糖公仔就好得意，
睇住個老伯同d糖膠整兩下又剪幾刀就變成一個企鵝，
阿妹買左個叫吹波既糖，
係一個好似未吹既氣球加上一個管（成個都係糖），
阿妹吹d氣入去，個氣球竟然愈吹愈大，
原來吹出黎既糖球大過一個標準就可以免費多一個糖公仔，
所以我地就多左一個糖企鵝；
主營既另一邊有兩個好大既紙札公仔，
同係中一既世史書入面見到既一樣，
一個類似神既，另一個似鬼（腳下仲有黑白無常）；
大紙札公仔既後少少係副營，
入面只有枱同凳，
當我地去到個陣已經坐滿晒人（食齋），
等左半個鐘總於搵到位坐底食野，
我人生第一次食齋，
味道普通唔會太難食，
我比較鍾意d素蝦，
個樣幾似同埋好爽口，
因為太多人而且係流水席（食完走人又有其他人坐底再食），
我地食完就走喇，
離開之前我同阿妹係門口既檔仔買左一個掛飾，
係中國繩結加上韓國鼓既小掛飾，
幾靚架！^^
今日都叫左大開眼界，呢d打醮十年先得一次，
有機會親身觀摩真係好過睇書架！！
打醮會開最少五日，今日係第一日，
黎緊每一日既午、晚都有齋食，開八十枱，（免費的）
後d既日子仲請d大佬官黎做大戲，
仲有我今日見到某d學校既學生黎做訪問，
真係岩時候，如果我中一個年有，我都想做呢個既題目！
|
| [ 訪客留言(0) ] [ 編輯日誌 ] [ 分享至FACEBOOK ] |
2005 年 10 月 23 日 星期日
|
快樂?!  |
仿彿失去了重心一樣,
突然不知道自己活著的意義。
這樣忙碌的生活,
這樣充滿壓力的日子,
難道我們都過得很快樂嗎?
快樂,似乎離開很遠了。
而很多的問號,
我們都不會有答案。
也許當我們慢慢長大,
才發現,簡單才是最好的。
也慢慢學會不固執的去尋找答案。
生命裡面,
太多的問題都沒有答案。
就算有,我想,
那個答案有一天我會懂。
不需要去讓自己煩惱,
去尋找一個我們不知道是否存在的答案。
這樣,會快樂一點嗎﹖ |
| [ 訪客留言(0) ] [ 編輯日誌 ] [ 分享至FACEBOOK ] |
2005 年 10 月 15 日 星期六
|
興起 |
今天一早起來,
不知道發什麼神經就去了看電影,
看了《超級無敵掌門狗之世紀大騙兔》,
從來沒有試過自己一個人去看電影,
發現原來一個人看電影的感覺也不錯,
雖然有些感受不能和別人分享,
如同在人生的旅途中,
有很多感受、感情也不能和別人分享,
不是不想,是分享不了,
因為那感受只是你的感受,
它只為你存在,
只存在在你的感受裡,
不管是快樂、不快樂,
你都只能吞進肚子裡,
我開始接受單獨,
也努力去適應單獨,
因為我知道,
我身邊的你們不會陪我一輩子,
我的未來,
得讓我自己走過。 |
| [ 訪客留言(0) ] [ 編輯日誌 ] [ 分享至FACEBOOK ] |
2005 年 10 月 9 日 星期日
|
Perfect Camp  |
由10月7日起,
我去了三日兩夜的領袖生訓練營,
當中有不少辛苦,
但也有不少快樂。
第一日
返校→口號設計→面包夾牛油→Lunch→上旅遊車
→去到麥理浩夫人渡假村→「蒙眼」前行(信任)
→電網(合作)→大腳八(難)→山林大火(好玩)→夜獨行
(我們要獨自行一條路,路上沒有燈火,不能開電筒,夜風陣陣,
十分恐怖)→回屋睡覺
第二日
早餐→倒水遊戲(輸了,全組飲了約5支1250ml的水,好飽)
→五項挑戰賽:肥豬萬里行、車呔陣、七巧版、鵝卵石徑、平衡木
(溝通。羸了,十分開心,我們當晚得到每人兩個熟蛋)
→由麥理浩夫人渡假村步行約1.5hrs到黃石碼頭(很熱和累)→
坐船由黃石碼頭到西貢灣仔營地→紮營幕→Mission Impossible
→迷宮→數字帖→找晚餐(我們找到了5條蕉、1個蘋果、1罐茄汁豆,
外加獎品熟蛋20隻)→晚餐(其他組得到的也只是水果)
→營火會(分享。晚餐上,每人吃的也不多,我們有蛋,
但卻從沒想過和人分享)→夜宵
第三日
跳碼頭(早4:20起身,看見滿天星群,極美;海水好咸、好激、好玩)
→早餐→野外定向(到達6個point,一個5分,錯了一個得25分)
→午餐→行山(用了大約1hr行山路,西貢灣仔營地行到海下灣乘車)
→回家→the end
------------------------------------------------------------------
過去的三日兩夜,
我辛苦過、開心過、慚愧過、害怕過、努力過、失望過,
開始時,可能不是百分之一百投入,
但最後也樂在其中,營火會上,
阿堅十分嚴肅地說出我們缺點:沒有分享,
當時就好比當頭棒喝,原來我們還是沒有學到導師用心的教導,
我們還是十分自我...;
在沒有光害的情況下,原來天空可以如此美麗動人,
上空的星星多得數不清,每一顆也亮閃閃;
跳碼頭,十分驚險,在碼頭的梯級上,我震抖著雙腳,
深呼吸一下,跳了下去,海水很咸,上到水面,張開眼睛,
腦海模糊,上到岸後,也不知自己那勇氣是如何來的,
還沒有想到害怕,人已上了岸,其後也有為其他人打氣;
這一次,我的導師是阿銀,他對我們很好,
總是循循善誘,也會說一說讓我們深思的話,
在此我很感謝他,同時也很感謝各位導師(阿堅、阿竑、阿銀...)、
天使姐姐(也是魔鬼)、謙Sir、各位helper、老師(Miss郭、
Miss林、Miss雷、Mr.陳文達、Mr.周、Mr.陳恩銘、Mr.梁)的教導、
帶領及照顧。 |
| [ 訪客留言(0) ] [ 編輯日誌 ] [ 分享至FACEBOOK ] |
2005 年 10 月 3 日 星期一
« | 63 | 64 | 65 | 66 | 67 | 68 | 69 | 70 | 71 | 72 | ... | 75 | » |
