Q1.點解你份人咁拘謹？
我都唔想咁拘謹...但我唔知除左拘謹之外，我重可以做d乜黎扺消我因急性子而帶來ge惡果。
你可能會話我啦，話「做人要開放d先得gama！」但我見到一d成日都表現得好開放ge人，佢地內心一樣被會受某d事情困擾。
可以咁講，開放同拘謹都只係個人選擇，
有d人選擇將所有嘢都攞出黎講，而有d人就選擇將自己ge唔開心ge嘢都收埋係心入面，費時令到聽者都唔開心。
Q2.點解你咁鐘意攞住枝筆係度轉？
小動作黎ga，都好多年，有時想改都改唔到。同埋轉緊筆個陣唔代表我個心淨係放左係枝筆上面！
Q3.點解你成日都睇d用雞腸寫ge嘢？
講真，雞腸都幾好味...ga...雖然我英文好廢，但都想趁仲後生，早d打定底（唔知會唔會出外讀）。
同埋世界上好多人都識英文，d最新最重大嘅新聞、學術、咩咩咩都係以英文行先；行到出去，如果英文唔掂ge話，機會都少d；想同個外地人做朋友都難。
Q4.點解你成日都坐係度唔出聲？
以前嘅我唔係咁，只要有個人係附近，就會咩都想講一餐，無論個話題係幾廢、講幾耐都好，都唔會停口。
但隨住年齡越大，可能撞得板多，大部分心思已經轉哂去唸嘢個度，覺得唔經過大腦就就隨口而出ge說話冇乜意義。
同埋有時唔想將自己ge嘢公開咁多，比一兩個人知道就已經好夠。
Q5.點解你好似成日都唔埋堆咁？識多d人唔係好d咩？
正確d講，我只係唔中意埋d大堆，但係理由我真係解釋唔到...可能同細細個就已經慣左自己一個人有關la!∼
同埋好奇怪ge就係，係人堆之中，好似樣樣嘢都受到某種程度ge限制咁...咁點解唔form一個細細地ge group，自由度都大d！
Q6.有時你講d嘢好奇怪，會令到人好莞爾。究竟背後係咪有d咩原因呀？
你知唔知，好多時我講一句嘢，入面係包含多於一種意思？哈，放鬆少少先∼
當我講左一句有弦外之音ge說話個時，自己個心都會轉幾轉。但並唔係刻意向聽者隱瞞d乜嘢lo，可能同拘謹ge性格有關。
成日都想用語言去堆砌、去構築一句句子...所以咪成日都好似好拘謹咁lo。
未完續
| 
