今日,我唔知我食錯咗咩藥,今朝踢出超水準表現,唔知係唔係因為攞返件17號波衫!哈哈哈!!!
結果,由於對面個龍門一開龍門球,就比我一野清返出去,對面連禁區都入唔到,yeah!
最後sttss大win3:1
跟住,打volleyball,比班女排串,唉,不過最尾都鸁咗２局，第一場鸁得好輕鬆,21:9,但係第二場就鸁得好驚險21:18!!
嚇死我-v-

今日,真係黑色星期五,首先我今朝比Miss梁cheak功課個時,無交請假信,比Miss梁CUT咗我兩樣校隊(足球&排球)
搞到我做咗[雙失青年]失咗足球&排球.
不過算....我之前應成過你,最多我早D返屋企Hea.
第二,有樣嘢我真係好唔順氣,個陳Sir收咗我部電話!又話比返我,放學搵佢又唔比,都唔佢想點!!
第三,今日陸Sir又要我剪指甲,剪到我幾痛呀.
第四,今日比呀簡屈咗＄40,話我之前借過佢Tec書.
第五,係我個人認為最黑ge一樣,
李松恩囉咗我個17號!
我問佢點解,佢話我樣衰,我差d想爆粗數佢再加句"你條廢柴,場又冇得落係度嘈要17號!!"
但係個時係2D,我費事節外生枝,所以先冇理佢.
真係超想打佢!

今日,同平時一樣,6點15起身....45分出門....50分搭小巴...7:05到M記,本來諗住同平時一樣咁hea.點知比我撞到潮同.
佢話佢今朝5點已經起左身,跟住去後樓梯聽歌.見無咩做就去M記hea.
講起潮同,我發覺我有D野開始似潮同.我諗係我係危急關頭個時,會突然變到好冷靜
好似變左第二個人咁樣,我諗我係比我由細到大ge壞習慣所影響－唔會將d事放係心入面.我啊爸成日話我之所以改唔到就係因為咁.
但係我自已又唔覺得係D咩事咁嚴重囉．．．．．．
都係講番今日,今日我落左訓導處,不過唔係因為訓導case.
而係因為我過份失眠引起.唉!差D比陳Sir召返屋企.所以今晚要早D訓.
哎!做少左樣功課添!算啦!!!!!