尋日..係暑假最後一天...
但係係成個暑假最有意義ge一天..

星期六同左屋企人返大陸..
join我哋屋企D親戚一齊去旅遊..
去左韶關個丹霞山..
搭車搭左7個鐘..(因為中途部車出左問題..延遲左兩個鐘..)
由中午去..去到個邊已經係七點幾八點..
坐車坐到我發顛..

去左個邊之後..就去左食飯...
食完飯去左行商場..
個商場仲大過澳門望廈個間來來..
其實我好鐘意逛D咁大間ge商場..
逛完商場就返酒店..沖涼&訓覺..

第二日就去左丹霞山..
嘩..真係好正..
最衰時間唔夠..
唔係我一定會行晒佢..
今次我行左只係五份一..就用左我一日

D相就遲D UPLOAD去facebook...

 話說..7.24去左香港..
因為係同我個表X甥女去...
所以個日好早(7:00)就起左身...

跟住早餐都未食就去左接佢..(因為佢第一次去..)
我哋去左香洲九洲港到搭船..(佢係內地人)
諗住搭九點半船..所以九點就到左..
點知問左個售票員..佢話..最快十點先有...冏
咁就唯有搭十點船

到左十點..登船個刻...
真係好想講..我唔想上船..
因為唔係噴射飛航..
唉..就咁樣..搭住個隻船..
坐左個幾鐘..先到香港...
真係辛苦..

到左香港...第一時間就去左海港城..
發現左無咩野行..
所以好快就落左去旺角..
嘩..旺角..仍然係咁多人..
想去食個午飯..
周圍都係咁多人..唉..
最後去左食意粉屋..
點知...
D野唔係咁好食..又貴..又要加一..
好就好在..環境夠靜...

之後..跟住就係旺角到行街..
到左五點多...
就去左銅鑼灣...
因為係第一次去..所以都唔係咁識路..
由於太攰ge問題...
所以好快咁就走左啦..

搭地鐵去左上環..
去食M記..
買左船飛..
跟住就返嚟..

總結今次去香港..咩都無買..
因為D野唔啱心水..
白行一趟..

尋日開始..
隻左腳個膝頭哥朣左...
坐低起身仲好痛...
真係攞命...

 
佢係咪幾靚女呢...

如果我話..佢係我表X甥女..有無人信呢..

終於都考完試la...經歷左十多天ge考試...
真係人都癲呀...

科科都唔係好識呀..
有d做到一半...做唔到另外個半..
真係晒鬼氣呀...

溫左同無溫...事實上係無咩分別ge...
真係攞命...

不過今個semester已經算好...
一晚通頂都無...
都真係掂...

考得最唔好ge就係300 la...
真係好唔掂呀...
俾你攞書同notes抄...
都唔識...
真係XX.....
嚟d就係prof. 講ge...
俾你攞電腦出嚟抄....
你都未必搵到答案...

今次你仲唔死...
唉...
而家希望科科都平平安安la..

原來d成績係要見人ga...今次真係輸左la...
唔理la...
硬住頭皮上la..

而家要做FYP la..傾得成就可以開始做..
希望傾得成la....
拜託了...
 

遺忘了很久ge blog..
好耐都無向到打過野...
趁我唔想溫習ge時間...
記錄下d野...

近呢一兩日..有d唔開心..
因為一d事...發生左...
係我人生中唔應該發生ge...
真係好唔應該...
但係我真係慢慢發現左...
我會為左佢ge野...而唔開心..Y?
我諗答案只係得一個...
我知..天知...佢唔知..
想話佢知..但係又唔可以..
唉...
唔可以再俾呢d野影響到我final la...
已經試左一次..唔想有第二次...

要俾心機...考試要努力...
無雜念..

早幾日...去左配我ge隱形眼鏡...
今日...第一次正正式式咁帶...
但係我阿媽話...好樣衰...都係帶眼鏡好睇d
其實我都覺...唔知係咪帶左咁多年眼鏡...唔習慣...
無奈ge係...渣車唔可以帶con...

講返尋日...真係人生第一次咁激..
同個傻仔向條友誼橋到飛車...
佢部車由頭改到落尾...我個部就...原裝行貨...
但係我都無輸...
大家都係渣到過百...
過灣都係渣住70幾...
好耐都未試過咁刺激...
亦都好耐未試過有人可以同我玩咁耐...
睇嚟...都無機會有第二次...
真失望....