我有個朋友好鍾意日本嘢， 和他剛巧在銅鑼灣行街， 見到呢間店個名已經對它好奇。
再見到呢張poster同埋門口的章魚擺設， 就知道原來這裏有自製章魚小丸子吃， 自己整自己食， 聽起來都幾好玩， 立刻要試下先！
店面不大，一邊是高卡座，一邊是方枱，一入來店員會問會不會整小丸子，如果會就要坐矮方枱。
除了小丸子外，餐單上的選擇也有很多，而同時發現除了和風食物如和風牛仔骨外，也夾雜了不少韓流食品呢！好像有泡菜煎餅、韓式五花腩等口味多元化！
熱切期待的主角就放左係枱上， 一整套製作章魚小丸子的工具原來好簡單！ 只要有一個小煤氣爐 ，小丸子鐵盤 ，粉醬，配菜和油等等就可以了！
現在開始教煮餸時間，哈哈！
先將油均勻地倒在盤上，再將搖勻了的小丸子粉醬注入盤的凹槽內，填滿那半圓。
記得不要用猛火，用小火好了，否則材料未放好，個皮就要焦了！
好了，這個時候就可以加進餡料了。有洋蔥、紅蘿蔔粒、泡菜絲和不少得的章魚！最後可以隨自己口味放木魚絲~
友人不吃泡菜，我不吃蘿蔔，各取所需每人一半“地盤“，加入自己喜歡的食材。
靜心等待一邊熟透，大約5分鐘吧，可以用叉子細細力圍住個邊挑下，睇下個皮夠熟唔夠熟~
如果感覺ok了，就可以叉到佢反轉，再將粉醬注入埋，做煮另外半邊。
睇下我幾有功架，一啲都唔似是第一次整吧！我自己就覺得反呢個step最好玩同最有挑戰性了！整得粒小丸子靚唔靚都係睇呢個步驟架！
攪掂好曬就靜心等待多5分鐘左右，咁好靚的小丸子就大功告成了！！！
睇落都有幾分似街邊專業的水準吧？！講笑，第一次整不過不失啦，也不能要求咁高�H，求其似個波，有幾分香味，我當過關架！😆
之後加上喜歡的醬，好似沙拉醬，最重要加勁多紫菜粉，同埋唔知係咪自己整的關係，覺得特別好食！外脆內軟，粉醬煮完不會太焦或不夠熟，有點香又好味！唔……我給自己80分啦！
玩完好好玩的自製小丸子，要補充番啲體力先！牛肉石頭鍋飯來得正合時！沙沙作響的飯鍋、帶點焦香的飯味、配以大量洋蔥和牛肉味，香味爆燈！
鍋底有點飯焦，帶點焦香。平常我不喜飯焦，因為覺得太硬了，又硬又韌不甚好吃的！想不到這個飯焦卻是脆脆的，卻一點也不會硬，很特別，很好吃！牛肉飯也很香，不過如果再咸小小或是有點汁會更好一點。
呢款韓式魚蛋飯卷倒是有點令人失望了，外形縱色彩繽紛，但沒有一種食材有味道兒，全部都淡而無味，想說找個豉油點下，又說沒有(≧3≦)哎…一點也不韓……
還好小丸子也蠻好玩又有滿足感，也不枉此行吧！
大阪李朝園:
銅鑼灣駱克道447-449號中威商業大廈地舖
|
