又是敷面膜的時間，衆多面膜中，最喜歡莫過於補充骨膠原的了！因為每天骨膠原都會流失，除了食的骨膠原，最快同方便都莫過於直接敷上面，因為食的骨膠原身體全身吸收，有時未必補給塊面，但敷就肯定是面最受惠了！

 除了面部護理，手仔大家都唔可以忽視架，因為如果隻手皺巴巴，就個個都知你有番咁上下年紀啦！

所以，平時我都會幫雙手做下手蠟咁！不過都唔多夠勁，最近我發現左以下呢個方法好似仲work喎~

首先要幫雙手去下角質先！大家看下未做之前，我對手都幾皺(>_<)，所以都唔到我再懶(≧3≦)

最皺係指節之間啲皮都有好多火車軌架，慘慘豬呀！

呢支innisfree wine peeling jelly softener 原本用途應該是用在面上，不過因為佢peel得太勁，我用完塊面好似無曬啲皮咁，之後就靈機一觸，拿來去手的角質，不要浪費！

點知效果都幾好喎~

倒小小落化妝棉，一元份量左右啦，細細力抹下已經捽曬啲死皮出來，非常容易快捷~~

最緊要係唔好貪心，唸住捽耐啲好啲，捽三十秒已經非常足夠喇！

接著用toner抹乾淨，用水洗手抵得，不過我覺得用toner會潤啲，效果好啲！

普通toner得了，我都不過是用nature republic吧了！

接著就最重要嗰part,就是搽油喇！什麼油都無所謂，煮食嘅除外啦！我就選擇了skinfood 的牛油果essential oil,倒落隻手，搽勻，無需特別按摩，咁當然，如果有心機就梗係按啦，不過我呢啲貪快的人就搽完其實都已經有效果了！

跟著又係化妝水出場，倒濕隻手，用紙巾搽走多餘的油就可以了。咁隻手就會變得好滋潤^^

連手指節之間的坑都會變淺了！

大家看到下面的圖片就可以清楚了解到有做的左手明顯比未做的右手看起來嫩滑多了，尤其是冬天時，雙手常常感覺乾燥，我就會立刻做一次，整個過程十五分鐘，簡單又容易，如果同我一樣對手的護理有興趣的sis，不妨一試(^_-)

歡迎與我合作或邀請出席event

電郵地址：[email protected]

instagram:http://instagram.com/shadowccheung

歡迎加入fanpage :https://www.facebook.com/Shadowcblog

my share platform:

<Fashion & beauty><Beautylife><The ztyle><Beautyexchange><Blogspot><she.com><Imore><Ubeauty>

<Lady Qooza><qooza beauty><weshare>

 一搽就變少女好似誇張了小小(￣∇￣)

其實少女的皮膚不外是講緊“吹彈得破““零毛孔““光澤亮麗“呢啲優點！

搽了呢支Etude house的bb cream,我覺得以上的優點，我不敢說立刻完美呈現，非常大波幅的增長就肯定有！

先介紹下呢支bb cream先：

>whitening and anti-wrinkle

>anti-darkening

>spf 30pa++

>precious mineral bb cream bright fit ~light beige n02

>60ml

>silkly complexion with pearl infused sheer coverage

韓國啲bb cream普遍都大大支，不過60ml都好小見，認真有排用！門市才賣百多元，水貨店一百蚊都買到！韓國貨最正點嘅就是從來唔會將貨就價，就算呢啲價錢咁親民的都有番咁上下質素，要遮瑕有遮瑕，要提亮有提亮，要貼服易推又有！

雖然素顏的我都唔算好失禮，不過毛孔粗大加黑眼圈加微絲血管就點都有啲，話曬唔係十八二十二，大家要求唔好咁高啦！

點幾點bb cream落塊面度，用手指以熱力去推勻效果其實好啲，貼啲同光澤啲，不過我懶洗手就通常用一次性化妝海棉，貪方便(￣∇￣)薄薄一層就ok ka喇！

成塊面膚色均勻好多，又可以遮蓋到黑眼圈，最好就係啲毛孔都消失得七七八八，而且面色看起來光澤多了，無咁暗淡！

大家可能睇得出幾個分別：

>黑眼圈變淺

>鼻翼兩旁紅根遮左

>下巴有個特大暗瘡印唔見左

>虎紋無咁覺眼

>面頰的粗大毛孔大部分填滿了，變得不起眼(好多bb cream都因為質地唔多幼滑所以做唔到 填補個毛孔 )

歡迎與我合作或邀請出席event

電郵地址：[email protected]

instagram:http://instagram.com/shadowccheung

歡迎加入fanpage :https://www.facebook.com/Shadowcblog

my share platform:

<Fashion & beauty><Beautylife><The ztyle><Beautyexchange><Blogspot><she.com><Imore><Ubeauty>

<Lady Qooza><qooza beauty><weshare>

 最近開始有寫用清文先真正發現其實自己用產品真是幾快！

通常用得快都是一啲搽面的product,可能同塊大面有關吧

(≧3≦)

呢支係Dr.jart+的V7的精華50ml,精華好黏好潤，強烈建議冬天用，泵兩至三下已經足夠全面搽！伸延性唔錯，亦因為夠潤，薄薄一層已經ok~

搽呢支嗰陣，啲皮膚真是白左同滑啲㗎，可能同佢有好多種維他命有關啦！所以我好鍾意用佢，好快就搽曬了！

呢支係nature republic的cc cream,我嗰陣在水貨店買嘅，大概八十元有交易，行貨就無咁平，要140蚊左右！

cc cream的特點就係會自然調整成使用者的膚色，而且質感比bb cream更透薄更易推，做成透薄的裸妝更得心應手！呢支可以做到！

泵出來白色的cc cream,用好小份量點在面上，輕易推開立刻變色，色調和肌膚快速融合，均勻而有亮肌感！令人看起來精神而且亮麗！是我推介之物！

Swiss rituel的face serum,來自瑞士的精華，抗敏系，通常抗敏得都實啱我搽，因為成分通常會温和啲！你預佢基礎保濕一定有，但唔會夠潤就一定係附帶條件啦~

聲稱由阿爾卑斯山水所製造的瑞士東東30ml才百多元就已經好抵玩，搽起來有點點清涼保濕感非常適合夏天使用~

植村秀的卸妝油我想不用我多介紹，大家都好清楚潔力如何徹底和滋潤度幾咁好啦！

冬天無佢真是過唔到冬呀！

不過我喺呢幾年先咁like佢！話說當我仲卜卜翠嗰陣，又用佢來落妝，覺得好油膩，洗極都唔乾淨，而且入曬眼，都唔知有咩咁好用！因為嗰陣我啲皮膚屬油性，又多暗瘡，話曬青春，啲皮膚唔需要咁滋潤，太潤反而覺得笠！

而呢兩年，人大了，皮膚亦由油性變成乾肌，就先知“油“的好處！而且可以說無“油“不歡潻！所以卸妝油呢啲都係啱皮膚乾啲或者唔再卜卜翠的人多啲！

歡迎與我合作或邀請出席event

電郵地址：[email protected]

instagram:http://instagram.com/shadowccheung

歡迎加入fanpage :https://www.facebook.com/Shadowcblog

my share platform:

<Fashion & beauty><Beautylife><The ztyle><Beautyexchange><Blogspot><she.com><Imore><Ubeauty>

<Lady Qooza><qooza beauty><weshare>

 須知每天都要化妝的我，即是每天都要卸妝，而卸妝徹唔徹底同埋卸妝產品的質素係直接會影響到我的皮膚之後的狀態，所以我係非常重視嘅！所以不同類型的卸妝產品都試下，咁先揾到更適合我的嘛！不同氣候都會用不同產品嘅！

冬(>_<)天就首選卸妝油啦！夠潤丫嘛！近期試左一個都十分不錯！唔怪得之會咁出名啦！講緊係banila co 的clean it zero~

清潔至零！概念就是要徹底洗淨吧！

初先見到個包裝，俾我感覺好難取量，用起來咪好唔方便？

始終我習慣可以直接泵落塊面的卸妝油嘛(>_<)

不過見到有精美刮刮棒內附就好啲囉，大過個棒咁短，唔知刮唔刮到底呢？

zero個質地都幾特別，因為係較實體的硬霜來的。我用棒刮左出來，直接印上面，當然可以用手啦~

跟著就不斷打圈打圈再打圈@@@

在不斷打圈的過程中，硬霜慢慢融化，變軟再變油~

所以，其實都係油~

一路打圈會見到啲化妝品一路甩，條眉最覺眼，會捽到啲啡色出來~

最後就梗係過水啦！

你睇下，濕小小水就變成牛奶喇！咁當然唔係真牛奶啦，係好似牛奶咁乳同質感好濃咁的狀態呀！乳化的過程好快，而且用凍水就可以了，無需温水，記得用熱的水洗面係唔好架，會擴大毛孔，就算冬天，都要忍耐呀！

之後唔洗再洗面，過清水至乾淨就得了！

用完滋潤度十足，隔一段時間未搽lotion都頂得住！而且手感好好，我覺得仲fit過用cleansing oil,卸妝亦十分徹底，不殘留痕跡，very good！值得回購！早知上次sasa買一送一嗰陣就買定啦！

(>_<)

歡迎與我合作或邀請出席event

電郵地址：[email protected]

instagram:http://instagram.com/shadowccheung

歡迎加入fanpage :https://www.facebook.com/Shadowcblog

my share platform:

<Fashion & beauty><Beautylife><The ztyle><Beautyexchange><Blogspot><she.com><Imore><Ubeauty>

<Lady Qooza><qooza beauty><weshare>