Shadowcheung : 個人主頁 - 相簿 - 訂閱 [ QOOZA - 論壇 - 登入 ]

人氣：19733

Shadowcheung

暱稱： Shadowcheung Cheung
性別：女
國家：香港
地區：深水步區

MORE...

最近沒有訪客

日誌統計

文章總數： 405

留言總數： 28

今日人氣： 68

累積人氣： 19733

站內搜尋

RSS 訂閱

2014 年 9 月 21 日星期日

korea trip之鷺梁津食海鮮篇

分類: 未分類

第一天搭零晨機來到韓國，原先唸住老虎蟹敷番個mask啦，仲要咁啱坐到窗口位，fit曬啦！點知一食完個飛機餐，就瞓着左，一直到落機！

來到仁川機場，第一件事就梗係換錢啦！啲朋友話，在機場對換最唔着數喎，就咁喺atm 度㩒出來都好過在機場找換ka~所以出發前記得開通海外提款功能呀！不過每次只能㩒30萬w出來，圍番差唔多2350港幣連15蚊手續費，對換率約129。換小小夠喇，因為去到東大門對換率高啲，有129.6左右！

(走嗰陣見到機場嗰日有成137)

之後就係拿拿聲租番個pocket wifi 先啦！機場出口有間叫olleh的pocket wifi 租，按金大約15萬w,如果刷卡就唔會過數嘅，仲方便過俾低現金！用過覺得幾好收，話曬係唯一4Gwifi,租金大約65蚊港幣一天，算合理！

接著當然是放低行李先，所以我們出發去酒店了！本來我們唸住一係去漢蒸幕的，不過我啱啱先打高左個鼻，想佢效果維持得耐啲，驚蒸下蒸下容易溶解左小小就唔化算了，所以轉目的地，去酒店放低行李之後就去鷺梁津食海鮮！

去酒店好方便，因為可以搭巴士，我們住Eujilo co-op residence,有架no.6001直到酒店門口超方便！車資每人約14000w,約兩小時車程，不過我因怕錯過了下車時間，唔敢瞓~

如果唔係，肯定好舒服，因為坐位超豪華的，同香港嘅機場巴士差好遠了！超濶的大梳化，仲可以將椅子拉到好低，成張床咁！

話咁快去到酒店立時放下行李，出發去食海鮮！去鷺梁津最好就係搭鐵路了！因為我間酒店行兩步就有鐵路站了，而鷺梁津魚市場都是好近地鐵路站的~

第一次搭鐵路有點緊張，因為見到張地圖有超多條線，左搭右，右搭左，花多眼亂的！好彩鐵路每個站都有漢字說明，而且由邊個站去邊個站都清楚列明的，和有明顯顏色區分每條線，只要拿着地圖都好容易揾到想去的目的地！

話咁快去到鷺梁津站，果然好似佢地話齋有濃烈的魚市場味道，在右邊出口出左，向後面方向行，會抬頭見到有條寫上往魚市場字眼的天橋，登上天橋步行約五分鐘就會到魚市場了~

魚市場有兩層，下面有賣海產的，有賣魚的，有賣乾貨的，也有負責加工的店。樓上則是加工店為主。

通常在樓下嗰層買了想食的海鮮，就會攞住去加工的店煮成菜式，所以我們就先選海鮮吧！

友人推介來呢度必試長腳蟹！所以我們當然地立刻揀返隻先！呢度每檔都有超大隻的蟹不同品種都有，有些帶刺硬殼的，有些不帶刺的，較軟殼的，價錢大約35000w到150000w的不等，視乎大隻的程度和品種吧~我們兩丁友，買隻小一點的，約44000w，但都算大隻，可能軟殼較輕，我見人地嗰啲要65000w但都無我地咁大隻~

接著就買我最想試的八爪魚，要活的，會在咀嚼時還會動的那些！價錢算便宜，10000w有4隻，每隻半個手掌的size。

仲有朋友話食過一串一串吉好曬的貝類，好腥，着我千萬不要食，所以我買左啲鮑魚，穩陣啲~買了三隻要20000w,我見好多人拿來做刺身，啲friend話咁樣食好似食口香糖咁韌，不好味，所以我就用來蒸，穩陣啲。

後來再買了條多寶魚，又是唸住用來蒸~後來去了一間樓上的加工店，烹調費每個開我地7000w,連八爪魚刺身都話收1000w,明明八爪魚老闆話刺身一般唔收錢嘅，我覺得呢間開價加加埋埋成30000w,後來我喊走，佢地主動減到25000w ,大過我覺得呢間唔係幾老實，立刻走人~後來問下啲檔主，知道樓下嗰啲老實啲，就過去揾啦！

俾我發現有檔海鮮檔後面有檔加工場，咪入去問下囉，接著再見到有檔賣好大隻司鵪，才10000w有8大隻，算便宜，就又買了~連埋剛買的司鵪，折合24000w,合理好多！各款海鮮連加工都係148000w,來得旅行，都預左花費,不過都算抵嘅，圍番港幣都係1200蚊左右，如果喺香港，真是一隻長腳蟹都唔止呢個價錢啦！

食物上枱喇！！！首先係動感八爪魚出埸！會動的八爪魚一端上枱，我已經好興奮了！夾的時候，仲拼命抓住盤子，不肯就範！好不容易夾起，一口咬下，殊不知鬼死咁難咬，得個靭字，一點也不好味，不過都叫做“果引“下咁囉！

食左八爪魚，就到“司鵪“出埸，又肥又大隻的司鵪在香港好少見，原本都驚多沙，所以唔敢買咁多，只買了八隻淺嘗京算了！點知，勁鮮甜，又無沙，又抵吃，才一萬w八大隻，超平！後悔無買多啲，現在回想起覺得最好味係佢！

接著當然係主角出場啦！登登登登，有請長腳蟹！！！

山長水又遠過來都係為左食平價蟹咋！因為如果要在香港食新鮮會行會走的長腳蟹，無番千多元都無乜可能，仲要細細隻！而家講緊唔洗四百蚊，大大隻蟹，真是着數^^

一打開個蟹殼，仲要爆曬膏，啲膏多到瀉呀！而且勁鮮勁甜，新鮮游水海鮮果然唔同喎，仲好味過去日本食蟹宴呀！而且每隻腳都啖啖肉，一剪開啲腳腳，成條腳棒又粗又完整，一啖咬落去，啖啖肉，起爽！再將啲肉放落啲蟹膏度加埋都齊食，感覺真係無得彈！大家不妨試下！

鮑魚就ok鮮甜啦，原來呢度興鮑魚刺身嘅，因此夠大隻，又生猛，不過朋友話試過覺得好靭下，咁我又唔你咁好牙力，就清蒸啦！不過清蒸都好好味！

條多寶魚又係興刺青食嘅，但深海魚刺身同平時食開嗰啲三文魚好唔同，會有嚼頭嘅，所以我唸住清蒸滑啲，點知韓國人可能好少咁食，對於清蒸唔係幾在行，所以蒸出來好樹皮下>_<

總括來說，今次呢餐都幾好食，價錢都好合理，算不枉此行，蟹一定要食，好味！

歡迎與我合作或邀請出席event

電郵地址：[email protected]

instagram:http://instagram.com/shadowccheung

歡迎加入fanpage :https://www.facebook.com/Shadowcblog

my share platform:

<Fashion & beauty><Beautylife><The ztyle><Beautyexchange><Blogspot><she.com><Imore><Ubeauty>

<Lady Qooza><qooza beauty><weshare>

免責聲明：今次係我試食後/試用後的個人感受分享，大家應自己衡量產品/療程是否適合自己的體質和千萬不要貪快服食/使用過量呀！有需要請請教專家意見，本人概不負責。

（部份相片用美圖秀秀作拼圖，並沒有更改圖象）

發表時間：2014-09-21 04:20 PM [ 訪客留言(0) ] [ 編輯日誌 ] [ 分享至FACEBOOK ]

***為肌膚做足保護措施***我有COLLISTAR 日間防曬乳 SPF 30

分類: 未分類

每日出門，無論幾趕，防曬的步驟都必須要做足，因為我唔想未老先衰，更加唔想皺紋和斑斑跑出來，所以，全面的保護是必須的！所以，當然要選擇好的防曬產品~

由意大利著名美容兼No.1纖體品牌COLLISTAR 全新推出特強全效淨白系列，由面部至全身，360度全方位美白肌膚、阻擋紫外光、抑制黑色素形成、對抗氧化，同時塑造纖體塑身美胸，都能滿足各種需要，讓白皙發揮至極致境界，塑造 4D亮白完美肌！

日間防曬乳 SPF 30CITY UV MULTI-PROTECTION SPF 30HK$380/30ml

質感輕盈透薄，快速被肌膚吸收，形成肌膚保護層，以助保護面部防止紫外線侵害，有效預防色色斑，令肌膚美白亮澤。

使用方法：每日完成基本護膚程序後，取適量均勻塗於面部和頸部。。

乳液質地清爽輕盈，伸延性高，好少份量就足夠塗搽全面。而且好快被皮膚吸收，透薄的質地一點也不會覺得笠，就算是集合了化學性和物理性的紫外線過濾成分，都可以保持到如此爽身，值得一讚！

搽完同時有淨白肌膚之效，真是令我十分喜歡，又唔會白到阿媽都唔認得嗰隻，而係有小小提亮感，效果好自然，大愛~

原來當中加入了全新淨白專利復合成分和四種珍貴的意大利植物提取物包括橙、青瓜、橄欖和葡萄，同時發揮美白作用，能防曬的同時又可淡化色斑和防止色斑形成，真是一石二鳥！

意大利著名美容兼 No.1纖體專家 COLLISTAR

COLLISTAR 特強全效淨白系列 :

輕柔亮肌潔膚慕絲~ HK$236/200ml

水凝淨白爽膚水~ HK$236/200m

深層淡斑精華露~ HK $320/30ml

水凝緊緻塑顏精華液 ~HK$440/50ml

日間防曬乳 SPF 30~ HK$380/30ml

全效明眸眼霜 ~HK$320/15ml

激白亮顏面膜 ~HHK$380/50ml x 4pcs

美胸亮肌緊緻啫喱亮~ HK$460/150ml

亮肌纖體塑身乳霜~ HK$530/400ml

Collistar[全新] 特強全效淨白系列於全線莎莎化粧品獨家發售

Collistar 產品系列Collistar 的產品系列包括護膚、身體護理、防曬系列等等，其中以身體護理系列最為馳名，其“Anticellulite Strategy” 被喻為意大利最具領導地位的纖體配方，至於自推出後便獲得空前成功的防曬及曬後護理系列，至今仍是意大利美容界最高銷售額的防曬系。

歡迎與我合作或邀請出席event

電郵地址：[email protected]

instagram:http://instagram.com/shadowccheung

歡迎加入fanpage :https://www.facebook.com/Shadowcblog

my share platform:

<Fashion & beauty><Beautylife><The ztyle><Beautyexchange><Blogspot><she.com><Imore><Ubeauty>

<Lady Qooza><qooza beauty><weshare>

“是次產品由Beautylife X Collistar 提供“

（部份相片用美圖秀秀作拼圖，並沒有更改圖象）

發表時間：2014-09-21 03:03 PM [ 訪客留言(0) ] [ 編輯日誌 ] [ 分享至FACEBOOK ]

2014 年 9 月 17 日星期三

蕾絲貼甲，好萌喔@Etude house

分類: 未分類

一向都鍾意自己弄手甲，簡單之餘可以隨時轉款！

搽得單色多，都久唔久會玩下款~上次去到etude house見到有款指甲貼，蕾絲作主題，白色和黑色兩色，各入手一個，每張才十蚊左右，超抵玩，買來試試效果！

因為我係蕾絲控，即係見到蕾絲係控制唔到嗰隻，回到家心思思，要快點試！

初先見到都驚好難整，點知容易到飛起，所以要立刻分享給大家^^

基本嘢就係搽好base同主色先啦，主色呢，咁我為了突出白色蕾絲的效果，所以揀左較深色的o.p.i深紫色，浪漫啲~

搽好乾左就可以貼蕾絲喇，蕾絲本身係貼紙，有黏力，只要剪好長度，貼落手甲度就可以了，超方便又容易！萬一“痴“落去發覺唔啱位，提起再“痴“就得了！如果發現長左，就用較剪剪左多餘的蕾絲就可以了~

一張貼紙有7種不同粗幼和款色的蕾絲，可以單用又得，或者兩條貼紙併排又得，變化出自己的心水pattern^^

之後搽番top coat，會襟啲~

有款又易做，近看遠觀都有睇頭的自家整手甲，效果一點也不輸出去揾人整幾百蚊嗰啲㗎，三兩個步驟就攪掂！推介給大家~

歡迎與我合作或邀請出席event

電郵地址：[email protected]

instagram:http://instagram.com/shadowccheung

歡迎加入fanpage :https://www.facebook.com/Shadowcblog

my share platform:

<Fashion & beauty><Beautylife><The ztyle><Beautyexchange><Blogspot><she.com><Imore><Ubeauty>

<Lady Qooza><qooza beauty><weshare>

（部份相片用美圖秀秀作拼圖，並沒有更改圖象）

發表時間：2014-09-17 08:36 PM [ 訪客留言(0) ] [ 編輯日誌 ] [ 分享至FACEBOOK ]

2014 年 9 月 9 日星期二

ICHIKAMI 帶出柔順體驗

分類: 未分類

呢排我好鍾意用電髮卷卷典髮，造出來個曲髮效果好靚，不過成日整呢個，其實好傷頭髮！所以要選擇番一隻護髮效果好一點的洗護系列先得~

日本 KRCIE旗下之 ICHIKAMI一髮純和草美髮系列，以天然成份米元素精華 EX、櫻花萃取精華、黑米萃取精華、山茶花精油、鳶尾、無患子精華等天然和草成分，修補滋潤受損髮絲去呵護秀髮，為亞洲人髮質創造出一級秀髮的五大元素 – 滿香、柔順、輕巧、飄逸、閃耀，令妳擁有櫻花的傳統高貴氣質，同時散發出甜美可人的櫻花香味，隨著輕盈的髮絲縈繞，就像整天沐浴在甜蜜的香氣味道中，自然輕巧、讓每天保持幸福感！

ICHIKAMI一髮純和草美髮系列堅持要給秀髮最好的呵護，全系列產品均堅守以下原則，為的就是令秀髮健康，散發光芒：

• 堅持使用以植物的氨基酸洗淨成分

睇到個model好飄逸的秀髮，急不及待要親自試下~

未打開瓶子，已經傳來陣陣香氣，非常怡人，非常甜的香桃的味道！

ICHIKAMI 一級髮洗髮露 (杏桃味)200ml

蘊含以下五種豐富的天然成份:

1)從大米抽取植物精華 : 滋潤保濕，潤滑秀髮

2)木患子精華液 : 天然洗淨成分，有效撫平毛燥開叉

3)射干精華液 : 射干(又名蝴蝶花)–昂貴中草藥，主要增補頭髮的彈性

4)椿，即山茶花 : 強效修護髮質，使秀髮倍添光澤。

5)杏桃仁油 : 具有極佳的保濕功效，瞬間解決頭皮乾旱的問題。天然杏桃香味。

洗髮露的質地呈乳液狀，一濕水就輕易搓出豐富的泡沫，

而且氣味芬芳怡人，有種好relex的感覺~

而且潔力很好，因為我本身出油好多，所以容易黏著塵埃，又笠又骯髒！豐盈的泡沫滲透到髮絲每一個角落，温和帶走塵埃，洗完一次已經覺得好乾淨！

ICHIKAMI 一級髮雙重保濕護髮乳200g

新添加杏桃油、山茶花精華，保濕效果再升級，讓髮絲持續健康柔韌有彈性。含米元素精華EX、櫻花萃取精華、黑米萃取精華、山茶花精油、鳶尾、核桃精油、無患子精華等天然和草成分，修補滋潤受損髮絲。添加保濕配方，給予秀髮與頭皮深層潤澤，防止因乾燥而造成分叉等受損問題，讓秀髮不再毛躁。清甜杏桃與高雅櫻花香，優雅香氣中帶有微甜氣息，令人陶醉。

至於護髮露的質感則較杰，同樣時有好香的桃味，真是很喜歡~單睇成分就知好滋潤啦！果然，一搽上髮絲，立刻滑不溜手。通常我會只搽髮中段和髮尾，待按摩半分鐘for吸收，再輕輕“high“下頭頂的頭髮，避免頭油過多。

接著就可以沖洗乾淨。

未洗髮前look，明顯較蓬鬆~

一個系列好唔好，濕髮嗰陣用梳一梳就知！用完帶給我柔順易梳的感覺！用風筒吹乾，髮絲如瀑布般展開，呈現出如此優美的畫面！

你，都可以~

「ICHIKAMI．一髮」 - 源自日本女性對美的追求「一髮．二姿」（日譯：Ichikami nisugata）這句日本古老諺語，意思就是完美容顏基於漂亮秀髮，亦是「ICHIKAMI．一髮」品牌名字的由來。日本「ICHIKAMI．一髮」利用自古以來守護秀髮的「純和草力量」為東方人帶來一系列的養護頭髮產品，令人擁有一級秀髮的 5 大元素 – 滿香、柔順、輕巧、飄逸、閃耀隨著於髮絲間的櫻花香甜氣息讓每天帶著輕輕的幸福

零售價: $89(530g) / $52(200g)莎莎/Sasa.com、一田及萬寧有售更多資訊日本網站: http://www.ichikami.jp/香港網站: http://www.dragonbillion.com.hk/category/cat-kracie-zh/cat-kracie-ichikkami-zh/cat-kracie-ichikami-hair-zh/

歡迎與我合作或邀請出席event

電郵地址：[email protected]

instagram:http://instagram.com/shadowccheung

歡迎加入fanpage :https://www.facebook.com/Shadowcblog

my share platform:

<Fashion & beauty><Beautylife><The ztyle><Beautyexchange><Blogspot><she.com><Imore><Ubeauty>

<Lady Qooza><qooza beauty><weshare>

“是次產品由 ICHIKAMI 提供“

發表時間：2014-09-09 09:18 PM [ 訪客留言(1) ] [ 編輯日誌 ] [ 分享至FACEBOOK ]

2014 年 8 月 22 日星期五

智能護膚？全新CLINIQUE Smart Custom-Repair Serum

分類: 未分類

朋友常常取笑我，每天的護膚程序太複雜了吧！

因為每天都要搽很多的護膚品上面，

無法啦，又要保濕，又要美白，同時又要修護，又要抗皺，

幾百樣要兼顧的項目，小一樣都不能夠滿足我所有要求嘛~所以就唯有搽好多啦！

單是精華每天都有塗兩三種的習慣，所以，每朝我起碼花半小時坐定定搽面！

而家，唔洗咁煩喇！因為Clinique新推出左一支可以全方位兼顧到我的需要的精華~

全新CLINIQUESmart Custom-Repair Serum智能修護活肌精華的突破性配方，匯聚37項專利的護膚力量，能自動為肌膚度身訂制出所需的個人化修護。配方運用精準無誤的修復科技，不單修補表面看得見的肌膚損傷，甚至修補隱藏的侵害。受損肌膚發出求救的訊號，全新CLINIQUE Smart Custom-Repair Serum智能修護活肌精華充分明瞭這些訊息，定位傳送適切的成份，顯著地修補損傷。當特定的肌膚問題並不需要某些成份時，這些成份便保持隨時候命狀態。此配方正是如斯聰明出色！

7大智能修護效能：

1) 鎮靜紓緩，優化肌膚狀態

肌膚處於慢性炎症狀態，便失去修補損害的能量。當肌膚得到紓緩、鎮靜，才具有所需能量，去應用修護成份。全新CLINIQUE Smart Custom-Repair Serum智能修護活肌精華的配方注入複合的鎮靜成份，有效紓緩肌膚，確保高濃度的活性成份，根據個人肌膚需要，展開貼身的針對式修護，卻不會引起過敏。

· 紅海藻：培植於溫暖的以色列沙漠，經過「超級注養」、獨特的強效紅海藻紓緩鎮靜肌膚，令肌膚處於更佳的吸收狀態，為修復作好準備。

· 甘草精華及咖啡因：令細胞效能維持於最佳狀態，杜絕過敏。