唉,

短短既13日假期,

金日已經係最後一日,

但係我覺得都同以前唔同,

以前既我一定會覺得好唔捨得,

好想放多幾日,

但係依家就覺得放唔放都無所謂,

可能大個女左,

諗野都唔同d掛!

金朝返左學校練歌(攤位果d),

唱左隻"恭喜恭喜"同埋幾隻有d可以話xx既歌,

唉,

午餐副校請,

去左紫荊飲茶,

金日都冇特別野咩好寫,

所以就寫到呢到啦!

呢張相金日係網上見到,

覺得好Q就.......

金朝10:20a.m先起身

因為金日屋企樓下有舞獅果D野睇,

所以被迫落左去樓下睇,

無咩特別,

有個所謂既財神比左封所謂既利是我,

聰明D既人一睇就估到十成十係朱古力,

唉,

不過有都好過冇,

每座上面放左棵生菜,

會所果個李小姐超搞野,

比左唔知幾塊既生菜我阿媽,

比埋個利是封我阿媽,

話生菜生財喎,

好搞笑呀!

下午出左荃灣,

買左對皮鞋,

聽日仲要返學校幫副校整攤位,

唉!

好好好好好好開心呀!

金日終於將果個聖經漫畫做完啦,

姐係所有功課都終於比我"消滅"哂啦,

好開心好開心!

金日有人黎屋企玩(可以話係拜年),

哈哈!

金朝做埋數學tsa果兩份野,

仲差英文tsa一份同聖經漫畫先至做哂,

唉!

金日下午聽左幾隻新歌,

同綺琪玩左一陣msn,

晚餐都係好隨便咁食左d野,

用泡菜送飯,

送左成三分之二碗飯,

跟住又打電腦,

安琪登入啦,

我要同佢玩玩msn啦,

唔打住,

閃人!

因為Qooza果度話"由於檔案伺服器出現問題，我們正在進行維修，期間檔案功能暫時關閉，而個人頭像及日誌內的圖片亦暫時無法顯示。
不便之處，敬請原諒！"所以金日又post唔到d相上黎啦,下次再post啦!

金日有人黎我家,

係我媽的朋友同我媽的朋友的老公同埋我阿媽個朋友個仔+埋我阿媽個朋友個仔個老婆(一家人呢架佢地),

一齊黎香港玩,

我阿婆就叫佢地同我地帶左d野黎,

全部都係上海嘅限小食,

好好味架!

我阿媽個朋友一場黎到,

梗係比封利是我架啦,

比左封數字唔細嘅利是比我,

好開心呀!

金日又見到個鄰居(同佢都幾熟下),

佢又比左封利是我,

呵呵!

金日夜晚無無聊聊,

諗住攞個聖經漫畫出黎做,

發覺本聖經書被Miss lam收左,

做唔到=.=,

要上網搵番d資料先做到,

又要等到聽日先做啦,

所以做左一份數學TSA,

金朝又做左份中文閱書報告,

依家仲未做英文TSA一份同數學TSA兩份同聖經漫畫就做哂啦!

慢慢做啦!

唉!