金日上堂勁搞野,先係上Mr.Chinu堂,要林雍浩講自己個中文名啦,跟住Mr.Chinu聽得唔清楚話"那"型浩,笑到肚痛,跟住小劉又變左劉"豬"恆,好好笑!

上副校堂啦,跟住有人好大聲咁笑啦,洋蔥就問佢地笑咩啦,原來係......

副校"火車未到站"呀,又笑笑笑左一堂啦!

聽日就運動會啦,先要童軍衫,到運動場又要換番運動衫,比賽完再換番童軍衫,唉,仲要升旗,又要跑100米,唉!

金日又去左比賽,但係係真正既奧林匹克數學比賽,唉!

金朝搭左車係MTR個站落左,跟住唔見有人(同學),就打電話比欣,無人聽!=.=

上左去地鐵站個入口,見到個"阿華田",跟住陸陸續續D人到去到左地鐵站,

仲唔見陳老師既?跟住我地就打電話比陳老師(尋日佢比左佢個手提我地)啦,

佢話搭梗Bus,唉,

見到Miss Chan啦!

搭到去好似9龍塘落左地鐵,轉搭的士,架的士好鬼快,好快就到左比賽場地─喇沙中學啦!

入到去見到個白色石像,如果我無睇錯,應該係聖母瑪利亞個樣,

個感覺好莊嚴,好純潔!

好鬼多人比賽呀,唉,

上到1d課室,我既n.o係33,就見到個位係正門口,搵都唔使搵!

鈴鈴,夠鐘,足足1小時30分鐘呀,就一直坐係果位野度做呀做,

做到我唔想再做(雖然只得25題,但我不得不認,真係好難呀),最尾個幾條都係估,最想做既題目係數字迷啦,好好玩呀,

但係得果一題,-3-!

交卷果陣我後面果個(我唔識佢,佢又唔識我,係第2間學校)份卷做得個10條以內,其他都係空白既,

份卷個樣就梗係....

跟住何老師帶我地返荃灣地鐵站果度,一路上都好搞笑,哈哈!

去到荃灣地鐵站啦,打電話比爸b,佢同媽咪話叫我去書店果度睇陣書,,一陣間去飲茶,

既然去書店,我就去買番枝營光筆啦,因為我果枝無哂墨好耐,但一直懶得去買,

黃色比人買哂啦,只好要左枝紫色,算啦,依家睇下睇下都覺得紫色唔錯!

星期日既上午就咁過左啦!

金日上左童軍,第一個慘,

童軍要做工作人員,

童軍要係運動會果日升旗,我又要升多次旗(第3次啦),

童軍要係運動會操出黎,我仲要係隊長先哀

放左童軍去左m記食野,

跟住返奧數,

第2個慘,

聽日要去唔知邊度又比賽(上個星期6先比完,又比),

一至日,日日都要返學,

慘!

金日上堂又好搞野,無特別,

常識堂無咩特別,

到左P.E堂,阿Sir去左帶隊,

結果係上崔生堂,睇ETV果陣佢又係旁邊嘈嘈嘈,又煩又悶,結果連好多唔like睇英文T.X book(因為一陣要Pre.dict)都睇埋一份,

而個牛+蔥同森伯同紫菜係度彈橡根,隻牛為左避d橡根,就將件校摟披係身上面,果樣好搞笑,

之後就英文堂,Pre.dict啦,之後放小息,彤b話副校喊喎,我咪去問靜虹姐姐,

佢話因為彤b同黃+奇唔乖,成日要副校操心(留堂),搞到連個要會考既仔都無時間理,呢幾個星期既某一日,副校既媽媽又離開左人世,所以.........

唉,聽講副校講果陣有d人喊左添........

聖經堂,又講天父創造世界萬物之類d野,悶.....

到左數學,悶悶地,但可能知道副校喊既關係,所以都好靜,一直聽到落堂為止,

跟住上額外既一堂,又做TSA,有完part A就偷做part B.....

悶!

放學之後打電話比阿媽,阿媽話(果陣佢係我學校對面條馬路,當時我同瑤過梗馬路)叫我去m記or返去叮野食,我間左m記,

返到屋企做完功課,悶悶地就打左呢一個日記啦!

金日上堂勁搞野,第1堂係中文,上堂一直係度傾計,講果d野都好好笑(大多係同死"愛滋基魔人"有關),笑到肚痛呀

到I.T.同數學堂就無咩野特別想訓

英文堂果陣勁搞野,洋蔥同森伯打架(當然係玩果隻啦,好搞笑)

到左圖書堂,Ya!金個假期借"叛逆少年",返到屋企既刻睇曬成本書,好好睇!

到左最期待既一堂,果小劉出黎"講書",照紙講,無特別,仲以為會好搞笑添!

放學之後仲要同埋下午校講埋春節活動,上番課室攞D野,X,個死人劉志恆將我個書包放係個櫃度,去死啦,個林雍浩轉死性咁講我知係個小劉做,跟住梗係要"報復下"架啦,個林雍浩又借D椅打埋劉志恆一份,唉,是但啦!