# Nike League 2011 次輪選拔小特輯！

Nike League 2011 次輪選拔 岩岩係 2011年7月2-3日 9:00-18:00 於 香港理工大學 邵逸夫體育館 完滿舉行！

今次將會選出各 90位 男子U16 男子U19 以及 各72位 男子U22 女子U19 既參加者，

一行共 328人 進入 第三階段既 Nike League 2011 訓練營！

Nike League 2011 次輪選拔 既內容絕對唔簡單，

共分兩部分，以 十人 為一組，分別係 3分鐘既 3 ON 2 攻守交換 同埋 7分鐘既 5 ON 5 。

3 ON 2 攻守交換 不斷交替最行，

由三個進攻者 對 兩個防守者，不論攻勢最尾能唔能夠成功，或者球出界，

最後一位觸球者都需要重新排隊等候重新進攻，而其餘進攻者則同防守者交換位置。

呢個評核主要係從 走位、助攻、得分 以及 抄截、阻攻、補防等等方面，

去考核參加者既 進攻意識、防守意識 同埋 臨場心理質素。

為左等大家容易D明白 3 ON 2 攻守交換 係點樣進行，

我就唔囉嗦，引用 Nike League 2011 Reporter --- Christine Kwan 為大家所拍低既片段，去片！

至於 5 ON 5，就係無戰術、無教練指導既情況下，要球員自由打出攻勢，

取得入球、得分並唔係呢個評核既最主要重點，相反係希望通過自由進攻，

讓教練去搵出 識同隊友溝通、能掌握比賽節奏既球員。

在此我亦都引用一下 Nike League 2011 Reporter --- Kevin Wong 為大家記錄低既片段，去片！

好啦好啦，睇完我地 Nike League 2011 Reporter 對 次輪選拔 既報導，不如都睇一下我地同教練做既訪問！

( 左：黃Sir  右：朱Sir )

皮：「黃Sir 你好啊，可唔可以幫你做個簡單既訪問？」

黃：「喔喔！可以啊」

皮：「太好啦！你覺得參加者應該係係選拔果程中多d表現自我 定係 犧牲自己做出團隊合作？」

黃：「哇你呢個問題有d難答喎！」

皮：「哈哈，因為我見有好多參加者 為左入選 都不斷自己剷底、射波，雖然有入球 但係進攻絕對稱唔上為流暢」

黃：「的確係，如果要我揀，我會希望參加者 做出多一d團隊合作啦，始終籃球係團隊運動，無論你一個人幾厲害，

　　　都絕對唔能夠嬴波，可能有時有位球員佢自己傳左個靚助攻，拿呢d就會加分啦，相反獨食，就算入波都會打

　　　折扣。」

皮：「咁有乜野改善方法令佢地係評核做得更好呢？」

黃：「最緊要都係多d昂高頭望人，唔好dup低頭死衝爛衝，有時隊友有個靚空位，你一衝就睇唔到，同埋掌握返比

　　　賽節奏，3 on 2 就打快攻，5 on 5 就應該拉返慢少少黎打。」

皮：「咁啊，你覺得今年參加者既整體水平點樣？」

黃：「嗯... 我只能夠話係 Average，同我期望仲差少少，可能因為緊張令佢地表現有所欠佳，期望佢地入到camp

　　　之後會做得更好！咁當然當中亦都有d亮點，香港籃球圈好細，有d人係我地未見過，但又打出水準之上，

　　　係幾唔錯，我地都會多d留意佢地。」

皮：「好！唔該曬 黃Sir 幫我地 Nike League 2011 Reporter 做呢個訪問！」

黃：「唔洗唔該！再見！」

睇完訪問內容，相信大家都對 Nike League 2011 次輪選拔 有左更深既認知！

想知道更加多 關於 Nike League 2011 既內容同埋報導？

請即到其他特派員網誌 亦可以連結到 http://blog.qooza.hk/nikebbl2011.php 瀏覽 ：P

記得緊貼我地！