噹噹噹！Nike League 2011 五人賽 終於開始左啦！
比賽會係 8月1日 至 8月7日 期間舉行，有興趣既 各位 亦都可以到 灣仔修頓球館 觀看不同組別既賽事！
當然，你亦都可以安坐家中，留意住我地 Nike League 2011 Reporter 為大家送上既最新戰況！
每位特派員 都會分工合作報導不同組別既賽事，而我 Isaac 會聯同 Kevin 合力報導 U16 既賽事！
今日為大家報導既係 第一場 U16 皇蜂 VS 銀鷹，皇蜂穿著 紫色球衣，銀鷹穿著 白色球衣作賽。
而第二場 U16比賽 翼龍 VS 泰坦 的賽事內容則由 特派員 Kevin 為大家送上！
皇蜂先發陣容為：8號徐遠征、10號張堯城、12號吳嘉軒、14號溫嘉軒、15號葉思諾
皇蜂主教練為：陳文勇教練、陳穎詮教練
銀鷹先發陣容為：7號蔡禮賢、8號蔡再懃、10號陳浚鏗、15號姚朗譽、17號歐文卓
銀鷹主教練為：王丹教練、吳嘉星教練
皇蜂於昨天面對泰坦的賽事以20分差敗陣，今仗會否有新的部署？於賽前我特地訪問了皇蜂教頭 -- 陳文勇教練！
（圖中手持戰術板者為陳文勇教練）
皮：小記 勇：陳文勇教練
皮：「勇Sir ！我見到皇蜂球員都比較矮小，而且球隊名單之中，其實並無傳統長人中鋒，呢個係咪球隊特色？」
勇：「哈哈！無錯係啊，因為本身我同另外一位教練 陳Sir 都覺得球隊主要得分來源，並唔係『一吋長一吋長』
既中鋒，而係外圍投射，所以係選秀既時候我亦都用高順位既籤 去Pick 幾個我認為唔錯既外線射手，去
到後面我都希望揀返幾個內線球員，但始終無乜岩自己心水，最後就形成左依家呢一個以外線同快攻為主
要得分點既陣容。」
皮：「哈哈！但係比較矮小既陣容，面對對手既高大內線進攻，會唔會無所適從？」
勇：「咁又唔會喎！雖然我地並無高大內線，但我地既鋒線球員有足夠身體質素去防守對隊（如小記於賽事中所
見，皇蜂的內線雖偏矮小，但的確能夠與對手硬碰硬），而且我地比『大隻佬』球員更加靈活、更具機動
性，不論進攻同防守都未必會輸！」
皮：「咁教練你經琴日一役之後，會點樣跟進／部署今日既比賽呢？」
勇：「咁其實我地皇蜂琴日輸波，主要都係因為外線球員手感不佳，有某ｄ球員可能炒左第一球、第二球.......都
會繼續起手可能佢地對自己既射術太有信心，所以始終認為自己點都會有球入，今日我希望佢地可以改善
呢種心態，手感唔好既時候可以試下多ｄ剷入內線，我地既球員嬴在有速度，上籃未必係難事！」
皮：「好！唔該曬勇Sir你幫我做呢個訪問，期待一陣皇蜂精彩既表現！」
勇：「哈哈！好！我依家都落去同班球員預備下先！」
# 訪問過後，勇Sir就趕到後備席為球員訓話，皇蜂對銀鷹大戰，一觸即發！
第一節皇蜂首先搶攻，比昨天有脫胎換骨之勢，開賽2分15秒已經靠著勇Sir強調的「外圍及快攻」打出 8：0高潮！
皇蜂今戰減少運球，以傳球推過半場，此舉有效避免己方製造失誤，銀鷹的聯防亦未能成功抄截皇蜂傳球，開賽首
十分鐘銀鷹處於受制局面，皇蜂暫時以28：12領先銀鷹。
第二節銀鷹開始入局，銀鷹隊王丹教練要求銀鷹隊員多在禁區給予皇蜂壓力，嘗試以內線球員切入製造皇蜂隊犯
規，成效不俗，以三人賽 MVP 8號蔡再懃 為首的銀鷹球員不斷打擊皇蜂內線，第二節追回不少比分，而且以人盯
人方式死守皇蜂的主力10號張堯城，僅讓皇蜂於本節取得5分，皇蜂 33：25 銀鷹 。
# 半場時兩隊分別於後備席 及 球員通道 為下半場作部署。
下半場展開，皇蜂教練 嘗試收起兩位主力 10號張堯城 及 14號溫嘉軒，讓其他球員有落場機會，且看會否有
「驚喜表現」但小記認為此舉實在有「驚」無「喜」，皇蜂後備球員防守能力及機動性明顯不及正選球員，被
對手王牌 蔡再懃多次拉開防線，銀鷹湊短短幾分鐘就已經追至只剩3分分差，皇蜂隊再次派上兩位主力，搭上
8號徐遠征取回球賽節奏，但銀鷹球員比如 17號歐文卓 不斷以快攻、上籃得分，完全抵銷皇鋒主力其後的攻勢，
第三節完皇蜂50：47，銀鷹僅僅以3分落後。
最後一節開始，銀鷹乘板回失地的氣勢節節進迫，繼續以中距離投射與皇蜂隊搏火，戰事瞬即陷入膠著狀態！
銀鷹隊的內線於第四節搏得多次「And 1」（投射命中兼搏得對手犯規，外加一球罰球），但皇蜂隊以 8號徐遠
征與10號張堯城為首的外線球員以幾個三分球為隊伍及時止血，戰至最後8分鐘，兩隊以52：52平手，一分鐘後
銀鷹更以52：55 反超皇蜂隊！只可惜，皇蜂隊叫出一個暫停重新部署戰術後，兩隊再次進入拉鋸局面，未讓銀鷹
隊乘膀追擊，更反而湊對手急於進攻搶分之際，大打快速反擊，於讀秒階段再次以 69：64 領先，最後皇蜂憑著
14號溫嘉軒最後一記上籃助球隊以 71：66 暫時穩住優勢，即使銀鷹於最後40秒獲得兩球罰球並全中，但仍無力
板回劣勢，最後0.6秒更因一次失誤讓皇蜂再次取得球權，最終皇蜂以 71：68 險勝銀鷹，1勝1負尚有機會進入
下輪，而銀鷹則連敗兩場，接下的球賽必須全勝才有機會打入次圈！
請繼續留意我們 Nike League 2011 Reporter 的報導！
